منطقة عمل نأسف علي الإزعاج

[Basbosa]

اعزائي الزباين الحلوين مساء الخير :l:

يحكي أنه ذات يوم فكرت حكومتنا الرشيدة :ph34r: ان تحفر نفقاً في طريق النصر ( الأوتستراد ) أمام شارع عباس العقاد و ظل الحفر قائماً قرابة 5أو 6 أشهر و طبعا لافته( نأسف للإزعاج منطقة عمل ) :exec: محطوطة مزينة المكان.
و نحن في انتظار العمل اللي يغير من شكل المرور في المكان ده اللي قرب يتخنق من العربيات و الناس بتتعذب علي ما تعدي الشارع .
و طبعاً الحفر كان مضيق الشارع جدا و خنق الدنيا بس و ماله طالما بعد الصبر ده الوضع حيبقي أحسن للجميع .
و إذ بي أفاجأ في الجرنال أن العمل توقف لأن المشروع كان محدد له 3 مليون جنيه و بعد كل المدة دي أكتشفوا ان في شبكة صرف صحي في المكان ده و بالتالي مستحيل استكمال المشروع لأن تغيير مكان شبكة الصرف الصحي دي جتتكلف 12 مليون جنية و بالتالي الميزانية حتخرم .
و لكم طبعاً أن تتخيلوا المبالغ المحترمة اللي أتصرفت خلال افترة دي و اترمت علي الأرض ده غير وجع القلب و المعاناة اللي شفناها .
نفسي أعرف مين اللي بينفذ المشاريع دي بمجرد التفكير فيها بدون ما يعمل دراسة مش حتكلفة حاجة علشان يرحم الناس و يرحم المال العام و يرحم نفسة من الدعوات اللي خدها .
و يـجـعـلـه عــامــررررررررر :exec: ،، :inv:

[Hanibal]

:o :o :o :o :o :o :o :o :o :o

انا اول مرة اعرف ان ده كان حيبقى نفق
انا كنت فاكره تبع مشروع الصرف الصحى اللى شغال فى القاهرة كلها
ما علينا
اللى بينفذ المشاريع دي بقى يا ستى واحد اسمه على بك الكومندا
قاعد فى مكتبه فى التكييف
وعمال يصدر قرارات
واللى يدور وراه حيلاقيه خريج ثانوية عامة
المهم اكيد فى ناس كتير اوى استنفعت خلال الفترة دى
مقاولين الانفار وغيره

بس على الله يرجعوا شكل الحتة زى ما كانت عشان كنت باحب منظر الساعة قوى
وعمار يا مصر

[Sweet_Rose]

السلام عليكم ورحمة الله و بركاته
أما بعد،،،

لا اعرف هل هذه المشكلة عربية المنشا فقط ، اهدار المال العام بحجة تجميل او تحسين او النهوض بالبلدان العربية؟؟؟

فانا اعيش في بلد عربي وارى من ضمن ما ارى ان بعض الشوارع يتم رصفها اكثر من مرة في خلال خمس سنوات ولو نظر أي شخص الى تلك الشوارع سيجد انها جديدة ولا داعي ولكن السبب هو الحصول على بعض المبالغ كهدية من مناقصة العمل او كان يتم الاهتمام بالمنطقة لان الوزير الفلاني يسكن فيها او منطقة VIP
وفقنا الله لخير الامة و السلام عليكم ورحمة الله وبركاته.
Sweet_Rose :lol: :( :( :( :( :(
:tng: :tng: :tng: :tng: :haha: :haha: :haha: :haha: :haha: B) B) B) B) B) B) B) B)

[Hanibal]

:angry: :angry: :angry: :angry: :angry: :angry:

بالفعل هى عربية
لاننا فى معظم الاحوال لم نعتد ممارسة التجميل والنظافة احتراما للمواطنين
وانما تجملا امام الضيوف او ارضاء لعلية القوم
وكم من منطقة قبيحة فى بلادنا تحولت بين يوم وليلة الى حديقة غناء
لمجرد ان احد كبار المسئولين سيعبرها بسيارته
ولذلك جاءت دعوة الكاتب احمد رجب
بوجوب ان يسكن كل وزير فى منطقة قبيحة فترة من الوقت ثم غيرها وهكذا حتى يتم
تجميل الكل
ليتمتع بها المواطنون بعد ذلك

-_- -_- -_- -_- -_- -_- -_- -_- -_-

[زلابيا]

المال السايب يعلم السرقه .. وده مش مال سايب بس ده منساب جدا .. دنيا ..

[مسلم أنا]

السلام عليكم و رحمة الله و بركاته
يا جماعة أنتم ايه حكايتكم :?big: :?big: :?big: :?big:
علطول كدة بتهاجموا الحكومة :argue: :argue: :argue: :argue:
أنا عايز أعرف حاجة بس ايه ذنب الحكومة :blink: :blink: :blink: :blink:
الحكومة حبت تعمل نفق ( للمشاة ) محندق و حلو كدة فى طريق الاوتسطراد أو النصر عند عباس العقاد لحل المشكلة المرورية ( ولو أن المشكلة أصلا من عدم تناسب عروض الشوارع مع السيارات ) و بعدين بعد ما اتكلفوا فى الحفر 12345601253789 مليون جنيه أكتشفوا ماسورة مجارى عملها محمد على باشا من 300 سنة و ضاعت خرايطها مع حريق الاوبرا
طيب هما ذنبهم ايه هما كانوا يعرفوا :updown: :updown: :updown:
طيب ده بيفكرنى بقصة لسة قريها على الاهرام دوت كوم بعنوان ( سر الماسورة )
و القصة بتقول أن نادى التجديف ( هو لسة موجود ) اللى على النيل أراد عمل امتداد لمبانى النادى على النيل و طلبوا من شركة أمريكية ( بلا مقاطعة بلا كلام فاضى ) عمل تلك المبانى ( أصل المقاولين العرب شركة تعبانة و مش هتقدر ) و عندما بدء مهندسوا الشركة فى الحفر أكتشفوا وجود ماسورة ضخمة بقطر لا يقل عن 3 أمتار و تمتد حتى النيل نفسى و يغطى فوهتها على النيل القاذورات و الردم و القمامة
:o :o :o :o
و عندما حاولت الشركة بالتعاون مع الحكومة معرفة أصل هذه الماسورة فشلوا فشل ذريع حتى عندما لجئوا للمخطوطات و البرديات الفرعونية القديمة
:!big: :!big: :!big: :!big:
و فى النهاية قرروا أن يدخلوا فى الماسورة غواص حتى يصل الى نهاية الماسورة و يكتشف السر انها ربما تصل الى عوالم اخرى او الى باطن الارض
و بعد الوصول الى نهاية الماسورة وجد الغواص نفسه فى ( بركة ) سيد قشطة (فرس النهر ) فى حديقة الحيوان بالجيزة و طلعت الحكاية أن اسماعيل باشا رحمه الله اللى كان بيعمل الحاجة على نضافة خاف على صحة فرس النهر من ركود المياه ببحيرته ( وقتها كانت بحيرة فرس النهر ) فشق تلك الماسورة التى تجدد مياه بحيرة السيد قشطة مع كل فيضان و طبعاً انتهت الايام السعيدة لسيد بيه قشطة مع ردم الماسورة و لم يعرف عنها أحد شئ بعد ذلك حتى اكتشفتها الشركة الامريكية عام 2002
شفتم بقى أنكم ظلمتم الحكومة
:unsure: :unsure: :unsure: :unsure:
هى كدة دايما يعملوها أفراد أسرة محمد على باشا و تقع فيها الحكومة
أخوكم فى الله

[Basbosa]

يااااااااااا بخت أونكل سيد قشطة و يااااااا هناه :haha:
حظة أحسن كتير مننا
يا تري اسماعيل باشاكان واخد باله من راعياااااااه كلهم زي أنكل سيد قشطة كده !!!!!!! أشك :donno:

[محمود]

"ثم نزل المدعو محمود الي صاحبه السباك ليحضر منه جلدة توقف المال السايب"
:haha:

[فراولة]

بجد بجد الموضوع ده استفزنى جدا لما سمعت عنه :maaad:
عموما الصبر طيب .. بلاش نظلم الحكومة :zz:
بس مش عالأقل من حقى كمواطنة مصرية باكع الضرايب إنى أعرف غلطة مين دى :blink:
وأقل واجب .. أقل واجب يعنى إنه يتعاقب
مش كده ولا بسلامتها الحكومة ليها رأى تانى :wink:

[Lighthouse]

سالخير ياجماعة :)
بالذمة ده كلام
ربنا مايجعلنا قطاعين ارزاق
يعني مش عارفين سبوبة التهليب اللى بتبتدي اول اي مشروع مايبتدي او العكس
يعني متهيألي بيعملوا المشاريع علشان الهليبة يشوفوا نفسهم
وانتم ياغلابة فاكرين ان فيه دراسة جدوى ونظام وكلام فارغ من ده
بالذمة مش عيب علينا نفكر في الحاجات دي
هو من امتي عندنا بيستعينوا بالخرائط لما يعملوا مشروع علشان يشوفوا شبكات الصرف الصحي والغاز والكلام اللى بتعمله اوروبا والدول التعبانة التانية اللى غاوية تقطع رزق العالم

فاكرين من فترة مش كبيرة قوي لما ماسورة الغاز انفجرت عند سنترال جسر السويس وقعدوا يضربوا الودع ويقروا الفنجان علشان يعرفوا موقع الماسورة فين
وبتقولوا خرائط
الله يسامحكم
إن بعض الظن إثم :blink:
ماتعملوش كده تاني

لا وكمان ياشعب عايزين تحاسبوا الحكومة على اموالنا المهدرة شمال ويمين B)
عليكوا شوية حاجات ياعفاريت :zzzz: :zzzz:
امال الباشاوات الوزرا والباشاوات اولادهم يبرطعوا ف الخير ازاي وانتم ناويين تنكدوا عليهم وتحاسبوهم
بجد بقي انتم زودتوها قوي خالص جدا
وسلموالي على الانفاق نفق نفق :harhar: :harhar: