أشكرك على كل حال!! شعر:خميس نصر

[خميس نصر]

أشكرِك على كل حال


شعر:خميس نصر



جامعة عيلتك قاعدة تحكي



ولا تشكي



من عمايلي



من جمايلي



وتقولي لهم



قلبه قاسي



طب بلاش إنتي اللي تإسي



ولا تنسي



ياما شفتي من مآسي



لما جيتي كنت جامد



كنت أعند



كنت أساند



كنت باتحايل وأواسي



لما شفتك في المراية



كنتي آية



كنتي فاصل في الرواية



كانت الهدمة اللي بالبسها مقاسي



من ساعتها بدأت أرتب



كل حاجة في حياتي



أبكي واستغفر ليلاتي



أسأل أولادي ومراتي



بانتبه من كل ناسي



أشكرك على كل حال



واذكرك بنت الحلال



ده البياض نص الجمال



وانتي أول شعرة بيضة جت في راسي

[الراحل الحزين]

لون جميل وجديد من استاذنا الكبير
بعد فترة الكتابه المستمره
على هموم البلد
تحياتى لك

[الحمل التقيل]

الله يزيدك فن وكلامك كله صدق