أفراحنا و ما يحدث فيها

[غــفــران]

ايه يا جماعة اللي بيحصل في الأفراح ده :huh: :o

إسراف و مظاهر و تبذير و صخب و رقص و لبس مكشوف و سهر لوش الفجر :(

لسة واحدة صاحبتي بتحكيلي انها كانت حاضرة فرح و كانوا جايبين فيه شو روسي :angry: :angry:
و ما أدراك طبعا ما الشو الروسي :blink: :wacko:

جرى ايه يا مسلمين؟ :!big: :!big: فين إسلامكم؟ :waa:

لأ و النكته انهم لازم يبتدوا الفرح بأسماء الله الحسنى :o بالذمة مش ده يبقى إستهزاء :angry:

[sshy]

اة و اللة عندك حق يا حبيبتي للاسف ان دة فعلا بيحصل ربنا يعافينا

[بنت اليـمن]

لا اله الا الله عندك حق يا غفران والي يعيش ياما يشوف

[F.DoDo2002]

لا حول الله يا رب

فعلاً مسخرة آخر مسخرة

[boltya]

السلام عليكم ورحمتة وبركاتة

واللة فعلا عندك حق يا غفران دى بقت حاجة تفرس بس بتقولى لمين كل واحدة تقولك يا جماعة دة فرحى يعنى ماارقص يعنى ولا اهيص :maaad: :agressive
لا حول ولا قوة الا باللة :donno: :donno:

[مرموره]

السلام عليكم ورحمة الله وبركاته
اشكرك يا غفران على اثارة هذا الموضوع .
كلمة فرح في هذا الوقت اصبحت تعني رقص و غناء وموسيقى عاليه و طبعا بنات كاسيات عاريات كما قال عنهم الرسول صلى الله عليه و سلم، هداهم الله.
و لكننا لم نجد هذا ابدا في سيرة الرسول عليه الصلاة والسلام ، بالرغم انهم في ذلك العصر كانوا ايضا يتزوجون و يقيمون الافراح ، لكن كانت حاجه تانيه خالص.
كانوا يقيمون الافراح الاسلاميه التي كانت تعتمد على الاناشيد و الدفوف فقط و بالرغم من ذلك فاني اظن بل انا متاكده انهم كانوا يستمتعون بها.
و لم يكن هناك الاختلاط الفظيع بين الرجال و النساء الذي نجده هذه الايام.
واذا قلت كلمة فرح اسلامي هذه الايام تجد سيلا من السخريه و اعتبار الفرح كالمأتم و يظل الناس من حولك يقولون انها ليلة العمر و لازم الواحد يفرح . :argue:
و انا اكتب هذا الكلام بعد ان حضرت بالفعل فرح اسلامي و ادركت الفرق بين هذه و تلك ، و كان بالفعل فرح اكثر من رائع ، يكفي انه لم يوجد فرد قد ارتكب معصيه خلال الساعتين او الثلاثه التي حضر فيها الفرح.
فلم يكن هناك اختلاط و كانت الانغام جميله و الكلمات ممتلئه بذكر الله و الرسول و الدعاء للعروسين.
و ليس معنى هذا اننا كنا جالسين نذكر و ندعو ، بل كانت هناك موسيقى و دف و رقص و هيصه و زغاريد كما في بقية الافراح لكن مع اختلاف الكلمات و الالحان طبعا .


فلم لا نعود لتلك الافراح الجميله و قد انتشرت الفرق الغنائيه التي تحيي هذه الافراح الرائعه ، و بذلك نكون قد حاولنا الاقتراب اكثر الى الله و رسوله و سيسعد الله العروسين باذن الله لانهم كانت نيتهم ارضائه. :tu: :tu:

[غــفــران]

انا بس عايزة اوجه سؤال لكل من يحضرون هذه الأفراح: كام واحد منكم صلى المغرب؟ (طبعا أقصد في نفس يوم الفرح) :(

[هريدي يابووووي]

والله بقت حاجة تحزن يا جماعة..
الحمد لله انا طول عمرى بالفطرة كده ماباحبش الأفراح دى ولا حضرت فرح حد من قرايبى.. من قبل حتى ما التزم و الحمد لله..
مش عارف.. يعنى الجواز ده بداية حياة.. الواحد يبدأها بما يرضى الله عشان ربنا يبارك له فى زوجته و أولاده والا يبدأها كده؟؟
وليلة العمر.. اللى مابتتكررش.. الا مع الحاج متولى :D ... الواحد يرضى فيها ربنا والا يغضبه؟؟؟؟

انا عن نفسى و الحمد لله.. ناوى على ليلة رائعة.. كتب الكتاب فى المسجد.. و بعد كده نطلع على نادى.. و الأستاذ عمرو خالد يلقى محاضرة عن الزواج.. و بعدين فرقة اسلامية.. و بعدين العروسة للعريس.. و الجنة للى مش متاعيس :D

ربنا يهدينا جميعا :)

[NOOR]

و نسيت الوليمه يا هريدي :brb: :brb: :brb:

[NOOR]

انا كمان ضد الافراح اللي من النوع ده :brb:

يعني حاسه ان الفرحه حتكون اكبر بطاعه ربنا و الاستفاده ب المصاريف في حاجات تانيه

معظم الناس بس بتفكر في المظاهر والناس حيقولوا عليهم ايه :wacko:

ولا اللي بيقلعوا الحجاب يوم فرحهم :o :blink: :wacko:

[محمود]

سلامو عليكم
عارفين
في قصة اثرت فيا قوي قوي قوي و هي حقيقية حدثت هنا في مصر
واحد يوم فرحه اتاخر على اللبس عشان يصلح حاجة في الجامع و بعدين و هو بيجهز المغرب ادن راح صلاه و خلا العروس تستني الي يجيبها و بعدين لما راحو حفلتههم و هو بيرقص وقع من طوله
خدوه ع المستشفي افتكروه مغمي عليه من التعب
بقوه مات من اول ما وقع
بامانة كدة
في حد فيكم عمره اتوقع انو يموت ليلة فرحه؟؟؟؟
هو ده الي اثر فيا
اني و سبحان الله لما بتخيل يوم الفرح لم اتخيل مطلقا الموت و هذا من الحاجات الغلط طبعا
المهم
القصة باختصار مؤثرة و فيها حس عالي جدا
اللهم التقوى يا رب

[غــفــران]

هريدي طبعا كل القهوة معزومة ع الفرح مش عايزين تطنيش :twink:
ربنا يتملكم على خير انت و خطيبتك و يباركلكم يا رب :)

نور يا حبيبتي ربنا يكرمك انتي من القليلات جدا اللي معترضين على اللي بيكشفوا شعرهم يوم الفرح :donno: و دول اللي انا فعلا عايزة اسالهم انتو متحجبين ليييييه :angry:

محمود قصتك قلبت علية المواجع..... هاقلكم ليه:
فاكرين كده من كام شهر الحادثة اللي جت في الجرنان وكانت عن البيوت اللي وقعت في دمياط? و بيت منهم كان في تحته كوافير و كان يوم خميس و كان الكوافير فيه 3 عرايس و وقع البيت عليهم و ماتوا التلاتة :waa: اللي صور الحادث خد صور للثلاث جثث :(

انا شفت التلات عرايس و هم بفساتين الفرح و بزواقهم على وشهم و بشعرهم معمول فورمة و لكنهم.... جثث :( :( :( انا كل اللي جه في بالي ساعة ما شفت الصور هو ان ممكن - ده لو ما كانش اكيد - ان واحدة فيهم كانت محجبة طول عمرها لكن يوم فرحها قلته و راحت للكوافير.... و ماتت على كده :( :( :waa: :waa:

اد ايه الانسان فينا ممكن يظلم نفسه :donno:

انا نفسي كل واحدة ناوية تكشف شعرها يوم فرحها تتخيل النهاية دي و تعيد نظر

اللهم احسن خاتمتنا و ثبتنا على طاعتك يا رب

[هريدي يابووووي]

؟؟ ايه يا نور؟؟؟ وليمة ايه؟؟ :blink:
الا صحيح هو فيه وليمة؟؟؟ :wacko: يعنى ماينفعش اوزع على المعازيم طوفى و خلاص؟؟؟؟ :blink:
لأ انا كده هاعيد نظر فى موضوع الجواز من أصله :cool: <------- دمياطى و أفخر :D

طبعا كلكم معزومين ان شاء الله :)
بس اما اشوف بس موضوع الوليمة ده :brb:

[الموناليزا]

السلام عليكم ورحمة الله:
الله يوفقك يااخ هريدي والله الفكره هذا كانت امنيتي والى الان بس بصراحه مافكرة بدرس دين بالمفهوم الىانت قلته.بس فكره فوق الخيال الله يحقق لك امنيتك انشاء الله. :)
:) واذا كان ممكن اطلب طلب :?big: وهو انك تكلملى الاستاذ عمرو خالد(الله يحفظه ويوفقه)على عرسى انا كمان. :blush:

[Hanibal]

:) :) :) :) :) :) :) :) :) :) :) :) :) :) :) :) :) :) :) :) :) :) :) :) :) :) :) :)

رايكم هايل يا شباب

و نفسى لو حد فيكم يعرف تفاصيل اكتر عن عناوين النوادى او الفرق اللى بتعمل افراح ملتزمة بالشكل ده

يقوللى عشان لى اصحاب كتير بيتجوزوا الفترة الجاية

(وعشانى طبعا لو لقيت واحدة ترضى بى)

والف مبروك مقدما ليك يا هريدى ولكل الاخوه و الاخوات اللى داخلين القفص قريب

:present: :present: :present: :present: :present: :present: :present: :present: :present: :present: :present: :present: :present: :present: :present:

[غــفــران]

طيب دوسوا ع الرابط ده و اسمعوا الاستاذ عمرو خالد عمل ايه يوم فرحه :colon:

http://www.islamway.com/bindex.php?section...ctory=amrkhaled (http://www.islamway.com/bindex.php?section=lessons&lesson_id=7496&scholar_id=137&scholar_name=%DA%E3%D1%E6+%CE%C7%E1%CF&scholar_directory=amrkhaled)





<!--EDIT|Ghofran|Jun 17 2002, 01:07 PM-->

[أبو دومة]

أعتقد أن مايحد هذه الأيام في الأفراح من بزخ وهرج ومرج وما إلى ذلك ... ماهو إلى سفه ولو أردك المقيمون عليه (أصحاب) الفرح أو السفه لإستغفرو ربهم , وكما قال الزميل غفران هل صلى أحدهم المغرب أو العشاء

حسبي الله

[المبرووك]

والله موضوع كبير جدا وخطير جدا !!!
بس المهم هو اللى بيعمل فرح فى الشارع مش بيتجوز وبرضو بيدخل دنيا ؟؟؟
وبرضو اللى بيعمل فرح فى فندق خمس نجوم بيتجوز وبرضو بيدخل دنيا ؟؟؟
يبقى ليه الإسراف فى المظاهر الكدابه اللى بتزول بزوال الشيئ ومحدش بيفتكر حاجه خالص غير ان الفرح كان حلو وبس واللى ممكن نقوله هو ان ربنا يهدى الناس المبذرين ويتوجهوا باموالهم واسرافهم لمصالح الشعوب التابعين ليها وربنا يهدى الجميع.