الكارثه قادمه لا محاله !!

[زلابيا]

الكارثه قادمه لا محاله !!




التليفزيون المصرى اكيد بيطلع لنا لسانه :) فبعد الاعلان عن الحكم على
المخرجه ايناس الدغيدى بالجلد 80 جلده لما قالته فى حق بنات مصر يعرض لها
التليفزيون احد افلامها المستهلكه الاسبوع الماضى -استاكوزا- والذى اشك انه
اذيع بالصدفه :) ويبدو ان التليفزيون وصل له خبر عن مناقشة موضوع
الراقصات فقرر امس استضافة الفنانه الشامله دينا فى برنامج اسهر
معانا ..

مع المذيعه شاب لا ادرى ما علاقته بالراقصه .. فتاره يبدو مذيع بالقناه
وتاره يبدو مدرب الرقص الخاص بها !! وبصراحه هو شكله كده شتيمه لكل شباب
مصر من غير ما يفتح بقه باى كلمه لانه مش قاعد على بعضه خالص !! -سامحنى يا
رب- والبلوزه اللى لابسها كالمعتاد فيها ورد بناتى جدا !! حاجه آخر قرف !!
وكالمعتاد ايضا يتلقى البرنامج المكالمات من فتيات يعبرن عن اعجابهن الشديد
بدينا بل وحبهن لها ايضا !! ولانى لم الحق الحوار من الاول فقد شد انتباهى جمله
عن الضرايب قلت اما اتابع ..

فوجدت دينا تقول يا جماعه تجاهلنا كراقصات لن يفيد ولن يؤدى الى اختفائنا
فنحن ندفع ضرائب وعليه يجب ان تكون هناك مدارس للرقص الشرقى .. يا جماعه
الكارثه قادمه لا محاله انتو مش عارفين فى المانيا البنات بيتعلموا الرقص من
سن 3 سنوات يعنى مع تعلم كلمة بابا و ماما !! ويا تلحقونا يا ماتلحقوناش
!! انا سافرت المانيا ودربت و سافرت المكسيك ودربت و لى ويب سايد -سايد مش
سايت- على النت @@ وانا لى فى الرقص مدرسه لعب و فن و هندسه :) ده غير
الدباليم -دى من عندى- اللى هى جمع دبلومات .. اشى فى الادمان واشى فى
التربيه !!

يعنى من الآخر كده حاجه آخر مسخره لو حبينا نكون مؤدبين فى وصف ما يدعو اليه
اعلامنا المحترم فى ظل قيادة صفوت الغير شريف .. وبصراحه كان نفسى جدا امسك
التليفون و اطلب النمره بتاعتهم عشان اشتمهم نضرب كرسى فى الكلوب على
الهوا بس خانتنى شجاعتى المعهوده :) بس وحياة والدة دينا المره الجايه ما
افوتها ابدا :-(( دى حاجه تقرف ..

[hhh-hhh]

هاهاها الرقاصات كمان بقو يتكلمو
هاها صحيح مهو العيب برضة على اللى سيبهم يتكلمو

[hhh-hhh]

بس معل ش يعنى ليا تعليقين على اللى انتى قولتية يا زلابيا
اولا : انتى قلتى (وحياة والدة دينا المره الجايه0000) و دة طبعا حرام لان الواو واو القسم
فالمفروض متحلفيش بغير الله طبعا
لان الحلف بغير الله شرك بالله و العايذ باللة
ثانيا:
انتى بتتتريءى على دينا من ناحية ان الانجليزى بتاعها وحش يعنى؟؟ لما قلتى انها قالت ويب سايد مش سايت
انتى متعرفيش دينا دى عندها اصلا شهادات تخليها تشتغل فى اجدع شركة فى مصر و لعلمك ابوها سمعت انة سفير
و اشك كمان انها كانت فى مدارس فرنسية مش انجلش
فهيا تعرف انجليزى كويس جدا غالبا
طبعا دة مش هجوم عليكى و لا دفاع عنها
الخبر الجديد بقى انها عايزة تعمل معهد لتعليم الرقص و يكون داخل تنسيق الثانوية العامة زيو زى اى كلية و بمجموع و كدة يعنى و يتكتب فى الرغبات
و السلام عليكم

[بسملة]

زلابيا
ومتزعليش منى
الكارثة الاكبر انك تواصلى اصلا مشاهدة مثل هذا البرنامج
مش كدة ولا ايه
متزعليش.... بس نصيحة مضريش عينيكى ولا ودانك ولا وقتك بمثل هذة البرمج المقذذة

[غــفــران]

ايه يا جماعة? في ايه? بالراحة على البنية...

ساعات الواحد من كتر ما هو مستفذ من الحوار بيبقى مش قادر يحول القناة.... يعني بتحصل يا بسملة... و لا ايه?

اقولكم على حل كويس? اشتروا دش... عشان تلاقوا البديل... انا مش باتريق على فكرة... انا عن نفسي ضغط الدم اتظبت عندي جدا من ساعة ما جبنا الدش :)

[امير البحار]

السلام عليكم ورحمه الله

انا قولت قبل كده الناس ديه مش حاسة باى حاجة وافتكر انهم فاكرين اننا بنحسدهم زاى ما قال احد الفنانين من قبل
وبعدين التليفزيون معروف انه مستفز منتفرجش احسن من حرقه الدم اللى احنا فيها
وعارفه لو كنتى اتصلتى بيهم كانو حيقطعو كل كلامك
لانهم بيكنو موضبين مين يتكلم فى صالحهم وايه الكلام اللى يتقال :angry:


بلاش نتفرج احسن


ربنا يهدى الجميع

[hhh-hhh]

امير البحر
: انتا عارف و غفران كمان
:
انا اختى بتشتغل فى المركز الاعلامى
ف راحو مرة يصورة برنامج فى شغلها
فكن البرنامج عبارة عن تلقى مكالمات من الناس كالعادة
و المفاجاة انها قالتلينا
ان الناس اللى بيتكلمو كانو من الاودة اللى جنب اودة التصويررررر
هاها
هوا اكيد مش كل البرامج كدة يعنى
بس دة نموذج من الكدب و الغش اللى بيحصل
و الحمد لله ربنا بيكشفهم يوم عن يوم
و غفران:
بصراحة اول مرة الاقى فى حد بيشجع على شراء الدش اعتقد ان مفاسدة اكبر من مساوءة و لل انتى رايك اية؟

[نخلة]

بعدين يا جماعه ماتزعلوش منى000 اللى يقول ان احنا المفروض مانتفرجش عالبرامج دى

او مثلا لما نشوفها نقفل على طول000بعتبرها سلبيه00المفروض نشوف آخرهم ايه

نشوفهم بيفكروا ازاى 000يمكن نقدر نعمل حاجه او حتى جايز يقولوا كلمه و لا معلومه جديده انت ماكنتش عارفها

على الاقل تقدر بينك وبين نفسك توقف المهزله دى000او تبقى عارف ايه اللى بيدور حواليك00او الناس بتتصرف ازاى00مش عايش فى الدنيا كده وخلاص00

00 وهى ماغلتطش انها اتفرجت على برنامج زى ده


__________________________________________________

بعدين فى قنوات تانيه على الدش كويسه وتجيب برامج دينيه :)

[hhh-hhh]

نخلة
جميل خالص ان انتا بتقول فى قنوات تانية بتجيب برامج دينية
بس فى حاجة او قاعدة بتقول ان اللى فية مفاسد اكتر من المصالح ماتجيبوش
فاهم اصدى انا طبعا مسمعتش قبل كدة ان الدش حرام انك تجيبة انا معرفش لكن بدام هوا فية حاجات كتيرة حرام كدة يستحسن متجيبوش عشان متقعش فيها حتى لو كان فية حاجات برضة كويسة
يعنى مثلا فى شهر رمضان : المبارك: فى ناس بيشيلو التلفيزيون خالص علشان اللحاجات الحرام الكتيرة اللى بتيجى فية مع ان فى نفس الوقت فى برضة برامج كويسة
فهمت اصدى اية

[غــفــران]

الاخ hhh-hhh يعني هوه لازم يعني تجيب ريسيفر ديجيتال عشان يكون عندك دش? ممكن تجيب ديكودر او ريسيفر عربسات بس.

عموما ده مش مكان النقاش في الموضوع ده عشان كده هنخرج عن الموضوع الاصلي و لو عايز تكمل نقاش ممكن تعمل موضوع جديد و نكمل هناك ان شاء الله :)

[زلابيا]

واو ...
مين اللى فكركم بالموضوع القدييييييم ده !! يا الهى .. انا اندهشت اما شفت اسمى القديم امامه وقلت مين انتحل شخصيتى !! وبعد ما دققت شويه قلت آه ده انا بس بالزى الافرنجى :lol:

عفوا على التاخر فى الرد بس فى الغالب بعد كده فى الاجازه هاخد اجازه من النت و الكمبيوتر عشان نريح الجمجمه :et: ايوه هى دى :et:

طبعا يا اتش معك حق
الحلف بغير الله حرام و اتمنى ان اغير تلك العاده السيئه قريبا ان شاء الله ..

ثانيا دينا بتعرف انجليزى او فرنساوى او حتى عامله كتاب دينا الصحاح ده ليس شانى طبعا .. لكنى نقلت ما سمعته :) ومع احترامى الشديد مش دينا بس اللى مش بيبان عليها التعليم او اثره .. لا فيه ناس كتيره جدا متعلمه ومعاها شهادات عاليه وواقعه جدا فى اللغه العربيه مش الاجنبيه حتى .. وان كنت اشك -مش متاكده طبعا- فى موضوع مدارس اللغات ده !!
بخصوص مشاهدتى للبرنامج بقى :) لو دققت فى كلامى هتلاقى انى قلت انى لم اتابع العرض من البدايه وما دفعنى لسماعه هو كلمة الضرايب !! مش حاجه مثلا لها علاقه بالفن او الرقص لانى ببساطه لا اهتم بذلك النوع من الفن :) وانا باشوف اسهر معانا فقط يوم الاربعاء فقرة ستايل غير كده انا مش باتفرج على البرنامج من اصله :) بس اشكرك طبعا للنصيحه الغاليه .. وتحياتى للجميع :)



<!--EDIT|زلابيا|Sep 9 2002, 08:37 AM-->

[بسملة]

الحمد لله يا غفران زلابيا اهه زى العسل ومازعلتش
وتفهمت قصدى وانى طبعا اقصد مصلحتها
وعموما انا يا جماعة مع غفران فى موضوع الدش ده
اه والله مقيمة فى الكويت وعندى دش عرب سات
وبصراحة لما كنت بنزل مصر كان التليفزيون بيبقى صعب جدا
ولكن .......
وده المهم تشوف ايه على الدش
فى البداية لابد ان تشفر بعض القنوات اضعف الايمان قناتى لبنان
ونصيحة غالية اعملوا زى ما انا عاملة دلوقت
انا مشفرة كل القنوات ما عدا اربع قنوات فقط
الجزيرة...الشارقة.....اقرا....السعودية الاولى
ووالله لا تتخيلوا كم السعادة التى شعرت بها بعد هذا الاجراء
على الاقل باحول من قناة لاخرى وانا مطمانة تماما اننى لن اضر عينى
فضلا عن ذلك وده الاهم ان ابنى الصغير لن اخشى عليه حينما يكبر لو تركته امام التلفاز بمفرده
فهل من معين ......
ايه رايك يا غفران فى الفكرة دى

[زلابيا]

معلش يا بسمله آسفه جدا انى لم اوجه الرد اليكى
انا فعلا افتكرته باقى رد اتش
ومفيش زعل بين الاخوه طبعا ..

[hhh-hhh]

زلابيا:
طيب اولا ياستى انا ليا الشرف انى الحمد لله انا اللى فتحت موضوعك دة تانى للنقاش عشان كنت دخلت على المواضيع اللى انا شاركت فيها فى صفحتى
انا كنت اول مرة اعرف انى ممكن اشوف موضايعى اللى انا كتبتها و اشاركت فيها و انبسط اوى
فطبعا بما انك انسانة غالية علينا كلنا فكان دة تقريبا اول ردد ليا خالص فى القهوة انى كتبت جملة بس فى الموضوع عشان اشوف اذا كانت هاتوصل و لل لا
و بعدين لما دخلت و لاقيت الموضوع بتاعك و قرايت ردى القديم قلت لا دا انا لازم اكتب راءيى دلوقتى بقى الللى هوا راءى الكبير
فهمتى اصدى
فكتبت رد موضوعك و الحمد لله كل الناس اتكلمت فية بس
بس ليا تعليق يريت متءتعيش الدخول حتى فى الاجازة عشان متسيبيش الناس ترد و انتى مطنشة :lol:
غفران:
ياستى خليها بظروفها مش لازم يعنى موضوع جديد المهم ان احنا لاقينا مكان اهو بنرد على بعض فية
ممكن تقولليلى بقى قنوات العرب سات دى تكتبيهالى كدة؟؟

[عمور8]

رقاصات اخر زمن :huh: ناقص يقولوا عايزين تعملوا منظمة عالمية اسمها منظمة هز وسطك :D

[nmnm]

عندك حق ياعمور


اه ده الى انتى بتقوليه يابنت ياعسل يازلابيا ده كلامك يفطس من الضحك

طب تصدقى بأيه والله والله من وانا صغيره وبقول على الرجال سورى البنت سورى سورى
العبيط الى بيطلع مش على بعضه ده من وانا صغيره مسمياه ابن مامى

وكان كل مايطلع اقول (توتو جه فى التلفزيون اهو)

واحد كل شغلته الرقص طب ده يبقى اه ها يبقى اه بس

راجل ولا ست ده ولو شفتوه وهو بيرقص زى الستات فى الفديو كلبات حاجة اخر ارف ببقى
عايزة اشتمه :angry:

ودينا قصدى الدكتورة دينا الى واخدة دكتوراه وبتروح قال اه تدرس فى الجامعة








وكمان عايزة تعلم البنات المراهقين الرقص والشخلعه







اه الارف ده تعرفوا قرأت وياريت تقرأوها مجلة النجوم الى عليها محمد هنيدى

وتقرأوا الحته بتاعة ايناس زفت بتقول ان الحج متولى بيشوه صورة المرأة المصرية(وهى بقى الى بتحسنها)

وانها بتقدم فن را كى

طب على الاقل هو بيلغى نسبة العنوسة والرملة الى فى البلد وهى بتهببها



وشكرا

[IORI YAGAMI]

السلام عليكم ورحمه الله وبركاته

كلام كله جميل وناس بتقول نشوف التليفزيون ونشوف الناس دى بتفكر ازاى وأخرتها ايه وناس بتقول لأ

طيب كويس بس أحب أسئل ويا ريت حد يرد عليا فى الأخر


هل ما يعرضه التليفزيون او يقدمه فيه أى شىء يمت للدين بأى صله؟

هل ما يعرضه التليفزيون يقول ان الحجاب فريضه على كل مسلمه؟
ام انه يدعوا إلى التحرر والأختلاط ؟ ويظهر المحجبه ولن أقول المنقبه او المخمره على انها انسانه غبيه من العصور الحجريه لا تفقه شىء أما ان تكون ارهابيه ومتزمته ومتخلفه؟؟


هل ما يعرضه التليفزيون يدعوا إلى سنه الرسول صلى الله عليه وسلم فى اللحيه مثلا؟
ام انه يعرض ذوى اللحى على انهم ارهابيين او افاقين ولصوص؟؟

هل ما يعرضه التليفزيون يدعوا إلى قرائه القرأن؟
ام يعرضه لك كما فى مسلسل لا اتذكر اسمه عندما صرخت الأخت عندما وجدت أخاها يقرأ القرآن الكريم وقالت لأمها الحقى يا ماما ده حيبقى ارهابى !!
هل من يقرأ كتاب الله الأن يصبح ارهابى؟؟
الله المستعان

هل ما يعرضه التليفزيون يدعوا إلى نكر البدع كالزار والتقرب من القبور ومن أعمال الفرق الضاله كما فى كثير من الأفلام _ بين القصرين وقنديل ان هاشم و المولد (لعادل امام) وغيرها كثير جدا _ على ان كل هذا أبعد ما يكون عن الدين؟؟
هل يوضح التلفاز هذا؟

هل ما يعرضه التليفزيون فى مظهر أهل العلم او المأذون على سبيل المثال بما يليق برجل الدين؟ ام انه يعرض المأذون على انه انسان فى منتهى الغباء ساذج لا يحسن عمل أى شىء ويكون مسخره الفيلم او المسلسل او المسرحيه كما فى سكه السلامه قديما والواد سيد الشغال حديثاً وغيرها كثير جدا من الأفلام التى لا احمد الله انى لا اتذكر اسمائها

هل ما يعرضه التليفزيون حتى عن التاريخ الإسلامى او الآسوه الحسنه فى الخلفاء الراشدين وعظماء العرب والمسلمين مثل صلاح الدين وقطز وعمر بن عبد العزيز وهارون الرشيد هو الحق والصحيح؟
ام انهم يدلسون فى التاريخ ويحرفونه ويظهرون هؤلاء على انهم لا هم لهم غير المقتله على الحكم او اشتهاء النساء او تغيير التاريخ والشخصيات ذاتها كما فى فيلم صلاح الدين عندما أظهروا عيسى بن العوام على انه نصرانى؟

ام انه فى الواقع وما حدث ان نساء المسلمين كانوا على التبرج والعرى كما يصوره المسلسل؟
ام الأختلاط الغريب والبشع التى كانت تقدمه صفاء أبو السعود في دورها فى احدى المسلسلات بكامل الماكياج والزينه والتبرج ومخالطه الرجال دون محرم هل هذا كان الإسلام ايامهم؟؟؟

هل ما يعرضه التليفزيون يدعوا الشباب إلى الزواج الشرعى إن آتته شهوه او غير ذلك لكي يصرفها فى الحلال ؟ ام انه يعرض له الحلول الأخرى كالزنى والزواج العرفى بين شباب الجامعه وغيرها؟
والمشكله انه يخيل لك انه يعالج قضيه مع انه على العكس تماماً لربما لا يخطر فى بال شاب ان يفكر فى الزواج العرفى او غيره

وهل عندما يعالج مشكله كما يقول البعض فهل مثلاً وهو يعالجها يقول عليك بالصبر والصيام إن لم تستطع الباءه؟ ام ماذا يقول؟


هل ما يعرضه التليفزيون يقول لك صلى او صم او زكى او حج الى بيت الله الحرام أو حتى أذكر الله وقل لا إله إلا الله محمد رسول الله؟ اتحدى


هل ما يعرضه التليفزيون يقول لك قم لقيام الليل ؟

ام انه يقول لك العالم يغنى _ ودلوقتى العالم كله بيغنى مفيش عالم يصلى _ ؟ تحب تسمع مين؟ مين أفضل مغنى او مغنيه؟
مسابقات النجوم ، حوار مع النجوم ، وأخيراً سمعنا صوتك

ووالله حدث ان سألوا فتاه مسلمه فى أحد الدول الأجنبيه فى برنامج يقول لها المذيع : ماذا تعرفين عن عمر بن الخطاب
قالت: أظن انه مغنى مصرى !!!!!!!
الفاروق أصبح مطرب
ولا حول ولا قوه إلا بالله

ويجعلك تسهر حتى قبيل الفجر بقليل ولا تصليه وتنام؟ وتصلى فقط الأربع صلوات المكتوبه؟

ام ستتحامل على نفسك وتصبر حتى الفجر وتصليه وتنام وفى اليوم التانى يفوتك الظهر بسبب السهر وتصلى أيضاً 4 صلوات مكتوبه؟


طيب هل ما يعرضه التليفزيون يوضح لك من هم الصحابه وهم أخيار أهل الأرض على الأطلاق ؟
ام انه يعرض لك بعض الساقطين والراقصات ممن يقولوا عليهم فنانين ونجووووم وكواكب
وبعض العابثين الفاسقين ممن يقولوا عليهم أبطاااال ونجوم؟

بالله عليكم من الأبطال؟ محمود عبد العزيز ام عمر بن الخطاب؟
احمد زكي ام بلال بن رباح؟
نور الشريف ام عمر بن عبد العزيز؟
احمد مظهر ام صلاح الدين ؟
وأقول لمن يقول ان هؤلاء قدم صوره هؤلاء فى احسن صوره
طيب ماذا سيعلق فى ذهن الطفل مثلا لو انه راىء احمد مظهر فى فيلم أخر سكير وزير نساء وينام بجانب أمرأه غريبه عنه ويقبلها؟
ألن يقول لك صلاح الدين كان ينام بجانب امرأه غريبه ويقبلها؟
ألن يقول لك هكذا فعل صلاح الدين؟؟؟

وأقول لمن يقول لى ان التليفزيون يعرفنا بالدين
في ماذا يعرفك بالدين؟ هل عن طريق القرأن الكريم الذى يذاع لمده 5 دقائق فى افتتاح التلفاز وقبل نهائه الأرسال؟ وحضرتك بتكون نايم فى الحالتين

ام حديث الروح الذى يدوم لفتره 5 دقائق فقط لا غير؟
وطيله اليوم ما بين رقص واغانى وغيرها
أين البرامج الدينيه؟؟؟؟؟

في ماذا يعرفك بالدين؟؟
آتنى بأى دليل من أى مسلسل او مسرحيه او تمثيليه

هل ظهر فى أى برنامج كان فيه مذيعه محجبه دليل على ان الحجاب فرض؟

هل يسمح لها بدخول مبنى التليفزيون أصلاً؟

من ينصح المشاهدين الأن؟؟ الراقصه دينا ؟ ام ليلى علوى وإلهام شاهين؟ ام محمود حميده؟ ام حسين فهمى؟ أم الحاااااجه فيفي عبده؟
ينصحون من وبماذا؟!

هل ما يعرضه التليفزيون يقول لكم ما قاله الله ورسوله " الا تتخذوا اليهود والنصارى اولياء؟ ام انه الأن فى كل مسلسل او فيلم لابد من وجود نصرانى ليكون بطل ونجم مساعد للبطل؟

أهكذا أمر الله ورسوله؟

الرقص حرام أم حلال؟؟
تعرفون الأجابه ولكنى أتسائل
ما دخل الأكل والشرب فى الرقص؟
الأن كل إعلان لا يخلوا من الرقص ،، واحد بياكل سندوتش تاك أواى
او بسكويت او كيك او بيشرب عصير
ده بيرقص ليه؟؟ هو الأكل بيرقص؟
يبقى لما تشوف واحد فى الشارع بيرقص تقول ده اكيد لسه واكل بسكويت او كيك ولا شارب عصير ايزي موزو

طيب

لو تلاحظوا فى كل المسلسلات او الأفلام الأن من يدخل على أخرين يقول

صباح الخير
مساء الخير
سعيدة

هاى

باي باي

ازيك يا فلان

وأختفت كلمه السلام عليكم
اسم من اسماء الله أختفى وقول رسول الله عليه الصلاه والسلام " وأفشوا السلام بينكم " أختفى
وحتى لو قالها احدهم فى المسلسل تجد الرد
اهلا اهلا عم فلان .. !!
حتى انه لايرد السلام
حسبنا الله ونعم الوكيل

طيب الأذان
أقسم بالله ان عند إذاعه أى بث مباشر على القناه الأولى لا يأذن وقت البث المباشر
لو مباراه كره قدم او حفل او أى شىء مباشر لا يقام الأذان أثناء البث المباشر

وفى الأحوال العاديه مثلا فى مباراه كره قدم بين الأهلى والزمالك وأقيم الأذان نسمع كثيراً
يييييه ده وقته !
او يا عم خلص
او تجد من يقول اقلب القناه حتى ينتهى !
الله المستعان

وخصوصاً فى رمضان وحدث ولا حرج

هل ما يعرضه التليفزيون .....؟؟ هل ما يعرضه التليفزيون ...؟؟
أجيبونى

هذا بالنسبه للدين

اما بالنسبه للدنيا فلا تجد طالباً ينجح وهو مثابر على مشاهده التليفزون
ولا مصلى يرى مباراه ويتركها للصلاه
ولا تجد أم مهتمه ببيتها وواجبها وهى تشاهد المسلسل
ولا تجد أباً يجالس زوجته او اولاده وهو مهتم بالمباريات
ولا تجد فتاه تفضل خطبيها او زوجها (حديثى الزواج) عن المطرب الفلانى
ولا تجد شاباً يفضل خطيبته او زوجته_حديثى الزواج_ عن المطربه الفلانيه
وتجد البنات يقلدون الممثلات والمذيعات فى طريقه اللبس والمكياج والكلام ويحفظون كل مذيعه ظهرت بلبس كذا وتسريحه شعر كذا وميك أب كذا
وتجد الشباب يقلد تسريحه شعر عمرو دياب او خالد بيبو
وتجد منهم من يقلد المطرب الأجنبى فلان فى لبسه
والفتاه تقلد نوال الزغبى وشاكيرا وبريتى سبيرز

أليس فى تاريخ الإسلام من هم أولى ان نقتدى بهم ونقلدهم؟
أين نحن من الإسلام؟
السنا مسلمين؟



وأصبح الناس تدفع نقودها فى المعصيه
كما من يدفع نقود لمشاهده فيلم سينيمائى يذخر بالمناظر المؤسفه العاريه
وكمن يدفع نقوده لمشاهده مباراه كره قدم

ونسوا انهم يسيألون يوم القيامه فيها انفقوا

أصبح العادى كل شىء مخالف للشرع
اصبح الناس يألفون المعصيه

أجيبونى على كل (( هل)) ؟ ذكرتها

وجزاكم الله خيرا

سلام الله عليكم

[nmnm]

والله العظيم والله العظيم
كلامك:

زى العسل
زى البلسم
نعمة العقل

نعمة الرزينة

والله كلامك صح صح صح صح صح 1000% الف على مية


جزاك الله كل خير كل خير

[hhh-hhh]

IORI YAGAMI
انتا جبت كل حاجة فعلا
انا معاك فى كل اللى انتا قلتة
100 100 ياباشا ربنا يخليك لينا ))

[الباشمهندز]

يا جماعه إنتو زعلانين ليه؟!!

أصل المثل بيقول "العيب من أهل العيب ميبقاش عيب"

يعني التلفزيون وعلي رأسه صفوت الشرير, لا ممكن فيوم من الأيام هينطخ في نافوخه , ويجيب حاجه عدله.

أما بقي عن الراقصه, فكما قال عادل إمام "طبعا أنها لا أستشهد به, ولاكنه قال الجمله دي في مسرحيه شاهد مشافش حاجه":

لو كا واحد ساكن تحته رقاصه ساب البيت ونام في الشارع, نص البلد هتنام عالرصيف :D :D


لو جت حاجه زي كده, بكل برود, دوس عالريموت"ده لو كان عندك أصلأ", وإقلب علي أي كرتون, وقول حسبنا الله ونعم الوكيل.

أو, تقفل التلفزيون خالص, وتفتح القهوه, تغلس علي ده شويه, وتخانق في ده شويه.

طبعا أنا مبقولش لزلابيه متتفرجش, أحسن أنا مش مأمن علي نفسي, أنا بقول إللي أنا هاعمله, مش إللي هي هاتعمله, مفهوم؟؟!! ولا أقول كمان؟

[غــفــران]

يا اخ hhh-hhh انا هحدد كلامي في نقطة محددة و هي نقطة الخيارات... بمعنى ان في الدش و على القمرين العربسات و النيل سات في عندك حاجة مش موجودة في التليفزيون المصري و هي القناة الاسلامية... في قناة اسلامية اسمها اقرا... و في قناة تانية هتفتح اول الشهر ان شاء الله اسمها المجد... في القناتين دول انت بتبقى قاعد مطمئن انك مش هتشوف حاجة وحشة و لا حتى هتشوف امراة متبرجة... ده غير البرامج الدينية الهادفة 24 ساعة... ده كفاية حتى برنامج و نلقى الاحبة بتاع عمرو خالد... و اسال هريدي بيجيب اللقاءات اللي بيحطها في الموقع دي منين... مش من الدش برضه?

انا اقصد اقول انك مع الدش عندك خيارات... قناتين بحالهم يا سيدي غذاء روحي 24 ساعة ده غير قناة الجزيرة مثلا و المنار من القنوات المحترمة... لكن في التليفزيون المصري... ايه البديل?

[hhh-hhh]

غفران
ايوة صح جميل خالص ال قناتين دول بس
فى كمان قناة دريم صح؟ اصل انتى مش فاهمة اصدى انا اخاف انى اتفرج على الباقى بقى لانهم اكتر
لكن انا بصراحة مستغرب انهم يجيبو قناة اسلامية على الدش و دريم عمالة تتفرج
غريبة اوى بس طبعا الحمد لله انا مبسوط

[زلابيا]

ماشى يا اتش :)
ان شاء الله احاول اشارك فى الاجازه بقدر الامكان

بصراحه يا جماعه .. زى ما قلت لكم انا فتحت الموضوع ده من مده طويله .. مش عارفه ليه اما شفته امبارح تانى حسيت انى هبله جدا .. وانى ضيعت وقتكم فى امر لا يستحق ان نتحدث عنه حتى .. وبصراحه اكتر شعرت بالخجل من الموضوع كله وحتى حسيت انى جبت فى سيرة البعض وقد يحاسبنى الله على هذا حتى لو كانوا مجاهرين بالمعصيه فهذا ليس شانى خالص :( وحبيت انى اعتذر لكم ..

شكرا يا nmnm على مجاملتك اللطيفه ..

وطبعا رد الاخ ايورى ما شاء الله لا يحتاج الى اى تعليق ..

يا باشمهندس :) وحتى لو مأمن على نفسك :) يفيد بايه التامين !!



<!--EDIT|زلابيا|Sep 10 2002, 02:07 PM-->