most1234
11-02-2008, 03:01 PM
ملحوظة فى البداية يا جماعة دى اول مرة اكتب فيها و بالتالى إستحملونى لو لقيتو الأسلوب مش قد كدة نهايته المهم
هو موقف هايف جدا و ممكن يعدى على مليون واحد و لا هيفرق معاهم بس معرفش ليه انا دمى إتحرق إشمعنى انا دونا عن المليون دول معرفش
إللى حصل يا سادة يا كرام انى صحيت بدرى كعادتى كل يوم و قلت افطر قبل ما انزل الشغل قاعد و انا بافطر قلت اشغل التلفزيون و اتفرج على اى حاجةالربع ساعة دى لحد ما انزل اكافح كاى مواطن مصرى لقيت برنامج من البرامج الصباحية على نمط صباحك زى الفل و صباح العسل يا مصر و كانت الفقرة إللى شغالة عن تنسيق الزهور.
لحد كدة كويس؟
كانت المتخصصة إللى جايبينها زى ما سموها بتعمل بوكيه غريب و مستفز جابت فازة ضخمة و حوالى بتاع 3 كيلو برتقان و حطط البرتقان كله جوة الفازة و دى بصراحة اول حاجة حرقت دمى عشان لما نكون فى بلد فيها ازمة على رغيف العيش و فى ناس مش لاقية قشر البرتقان ده و هى تحط هذا الكم من البرتقال فى فازة لمجرد الزينة والفرجة يبقى لا تعليق!!!!!
و عشان محدش يتهمنى بالحقد الطبقى طنشت و عديتها و عملت نفسى مش واخد بالى و كملت فرجة بمنتهى اللامبالاة بس فجأة لقيت المذيعة قالت كلمة و كانت بمثابة القشة التى فقعت مرارة البعير كانت الست اخصائية تنسيق الزهور تحكى عن اخر رحلة ليها لتركيا سألتها المزيعة عن مستوى الأداء التركى و الأوروبى فى تنسيق الزهور فردت الست عليها بمتهى الفخر و الأنزحة"لا لا لا مستواهم مش قد كدة إحنا متفوقين عن المستوى الأوروبى بمراحل و برضه التركى لا لا لا إحنا احسن" وفجأة القت المذيعة قنبلتها و لقيتها ردت عليها بمنتهى الحماس و السعادة الممزوجة بنشوة النصر و قالت "ده شئ عظيم فعلا عشان ميجيش حد و يحبطنا و يقول إننا مش متفوقين فى حاجة اهه إحنا عندنا مجال متفوقين فيه على الجانب الأوروبى"و نزلت على هذه الجملة كالصاعقة حسيت إنها ماصدقدت لقت حاجة إحنا ممكن نكون متفوقين فيها حتى لو كانت الحاجة دى تنسيق بوكيهات الورد مع كامل إحترامى و تقديرى لهذا المجال الراقى
فجأة بطلت اكل و قفلت التلفزيون و قلت اروح الشغل و اكتم غيظى و اشتغل و انا ساكت يمكن بشغلنا نكون متقدمين فى حاجة تانية غير عمايل بوكيهات الورد
هو موقف هايف جدا و ممكن يعدى على مليون واحد و لا هيفرق معاهم بس معرفش ليه انا دمى إتحرق إشمعنى انا دونا عن المليون دول معرفش
إللى حصل يا سادة يا كرام انى صحيت بدرى كعادتى كل يوم و قلت افطر قبل ما انزل الشغل قاعد و انا بافطر قلت اشغل التلفزيون و اتفرج على اى حاجةالربع ساعة دى لحد ما انزل اكافح كاى مواطن مصرى لقيت برنامج من البرامج الصباحية على نمط صباحك زى الفل و صباح العسل يا مصر و كانت الفقرة إللى شغالة عن تنسيق الزهور.
لحد كدة كويس؟
كانت المتخصصة إللى جايبينها زى ما سموها بتعمل بوكيه غريب و مستفز جابت فازة ضخمة و حوالى بتاع 3 كيلو برتقان و حطط البرتقان كله جوة الفازة و دى بصراحة اول حاجة حرقت دمى عشان لما نكون فى بلد فيها ازمة على رغيف العيش و فى ناس مش لاقية قشر البرتقان ده و هى تحط هذا الكم من البرتقال فى فازة لمجرد الزينة والفرجة يبقى لا تعليق!!!!!
و عشان محدش يتهمنى بالحقد الطبقى طنشت و عديتها و عملت نفسى مش واخد بالى و كملت فرجة بمنتهى اللامبالاة بس فجأة لقيت المذيعة قالت كلمة و كانت بمثابة القشة التى فقعت مرارة البعير كانت الست اخصائية تنسيق الزهور تحكى عن اخر رحلة ليها لتركيا سألتها المزيعة عن مستوى الأداء التركى و الأوروبى فى تنسيق الزهور فردت الست عليها بمتهى الفخر و الأنزحة"لا لا لا مستواهم مش قد كدة إحنا متفوقين عن المستوى الأوروبى بمراحل و برضه التركى لا لا لا إحنا احسن" وفجأة القت المذيعة قنبلتها و لقيتها ردت عليها بمنتهى الحماس و السعادة الممزوجة بنشوة النصر و قالت "ده شئ عظيم فعلا عشان ميجيش حد و يحبطنا و يقول إننا مش متفوقين فى حاجة اهه إحنا عندنا مجال متفوقين فيه على الجانب الأوروبى"و نزلت على هذه الجملة كالصاعقة حسيت إنها ماصدقدت لقت حاجة إحنا ممكن نكون متفوقين فيها حتى لو كانت الحاجة دى تنسيق بوكيهات الورد مع كامل إحترامى و تقديرى لهذا المجال الراقى
فجأة بطلت اكل و قفلت التلفزيون و قلت اروح الشغل و اكتم غيظى و اشتغل و انا ساكت يمكن بشغلنا نكون متقدمين فى حاجة تانية غير عمايل بوكيهات الورد