يا ريس كله تمام... [الأرشيف]

أ. محمد فواز

10-30-2008, 06:06 PM

ياريس كله تمام..

كل تمام و عال العال...

العيش في الأفران....

و الشقق موجود كمان...

و الجواز شغال مع العرايس والعرسان...

و الحياة بتنجان × بتنجان..

ياريس كله تمام...

و اوعى تقلق او تخاف..

ده شعب هايفضل طول عمره بيخاف..

مننا و من اي حد بيخوف اللي بيخاف...

علشان ده شعب من الأصل جبان...

ياريس كله تمام...

ياريس حبيبك المتريش...

رسطقناه على القعدة و متريش...

علشان خاطر ابنك الكبير المتروش..

من المدام اللي بمنديلها فيك بتهوش...

يعيش و يبرطع هو صاحبه المتريش..

و يجيب البلد و ياخط كل مافيها من فقير و متريش...

ياريس كله تمام...

كله تمام و إلا هاخليها ضلمة...

ياشعب جبان مابقاش له لزمة...

و زي ما خفتم تعلموا ولادكم يمشوا ورا اصل الأزمة..

يبقى موش من حقكم يكون ليكم اي لازمة..

طول ماراسكم هاتفضل في الطين معاه متلازمة...

و سلملي على بلد التفاهات اللي مالهاش لازمة...

ياريس كله تمام...

و الحياة تمام التمام...

طارق شرقاوى

11-04-2008, 07:04 PM

تحياتى لقلمك اخى
تقبل مرورى هنا

أ. محمد فواز

11-05-2008, 03:21 AM

تحياتى لقلمك اخى
تقبل مرورى هنا

الف شكر ليك يا اخ (طارق)..

:rosy:
نورتني..

انتظار

11-08-2008, 01:43 PM

قول يا فواز
لعل الاصم يسمع
او الجبان يبقى اشجع
لك تحياتى

أ. محمد فواز

12-07-2008, 05:56 AM

قول يا فواز
لعل الاصم يسمع
او الجبان يبقى اشجع
لك تحياتى

آسف للتأخر في الرد...

و هانفضل طول عمرنا نقول و نعيد...

تحياتي ليك...