مين الحاكم.. مين المسئول ؟؟؟؟ [الأرشيف]

أ. محمد فواز

10-28-2008, 01:25 PM

دستور في المحروسة و ادستر...

اتحط وزي اللبن اتبستر...

للحلوين علشان الننوس على الكرسي يتستر...

و علشان الماما بتاعته تبقى حلوة وبالكرسي هي و بناتها و ولاد عمامها، عن طريق ابنها بتتمختر...

و المصري بيسال مين الحاكم .. مين المسئول

سينا و حرقوها...

بمصريينها اكلوها...

و حكومتنا نسيوها...

بمصرينها تجاهلوها...

و أكانها لا ليها مقام ولا حتى ليها عوزه...

و علشان كدة الكلاب التطرف و الإرهاب ضربوها و حرقوها...

و حكومتنا بالكرباك عليها و على ولادها اللي من ترابها، خربتها اكتر ماهي مخروبة...

و المصري بيسال مين الحاكم .. مين المسئول

و شبابنا و ذلوهم..

في المظارهات بشرفهم و بعرضهم سفحوهم...

و بهتك عرضهم و رجوليتهم و عذرية بناتهم قتلوهم...

و لافيش دكر وقف فيكي يا بلد قال لا علشان عرضهم و شرفهم..

و التحقيق في شرف البلد و عرضها ضاع و اتحفظ بمعرفتهم..

و المصري بيسال مين الحاكم.. مين مسئول

و العبارة و حرقوها..

بالحجاج غرقوها..

و في عرض البحر بالقرش موتوا حجاجها، و في قلوبنا دبحونا..

و بالأهمال و الفساد و الخسة و الندالة، الشركة برأوها...

و الي راح حقه و حق اللي حواليه و كل اللي ليه بالجزمة ضربوه و سابوها

و الراجل من البلد دي يطلع للبلد دي و يقدر يمسكهم فيها

بعد ماولاد الكلب هربوهم بره و معاهم اخدوا السر بالطيارة، و عليها و على اللي جابوها !!!!

و المصري بيسال مين الحاكم ... مين المسئول

و البلد في الشوارع بتنحرق..

على ايدين ولادها مسيحين و مسلمين، بتنفلق...

و ملعون ابو اللي يقول حلوها بالعقل و من غير اي شخص فتك...

و ملعون ابو اللي يقول فكروا في بلدنا قبل ما تولع و تشعلل و تنفجر...

و مشوها شعارات احسن لا دماغنا تولع و من التفكير تنفلق و تنحرق...

و المصري بيسال مين الحاكم.. مين مسئول

و شباب البلد دي في الشوارع تايه..

على القهاوي و في الديسكوهات و الكافيهات بشعره و قصته نايح...

و لما من كتر زهقه بقى في بنات الحلق طايح..

قالوله انت شباب مالكش من اي كابح لكل مافيك من جامح...

في حين انه شباب محتاج موش بس كابح..

ده محتاج جبل يفرغ فيه جهد مليون فرس جامح...

و المصري بيسال مين الحاكم.. مين مسئول

و الوطن بيتبهدل...

و معلهش إحنا بنتبهدل...

يا شعب ما ثارش غير لما اتبهدل..

و بعد العيش ابو مسمسار بقى موش موجود و علشانه بنتبهدل...

ماهو شعب فكره متبهدل..

و وعية متكحول...

و فكره متحول...

و شبابه بالقضية متهون..

و بنات بالشخلعة بتتلون...

و رجالته بقيت مالهاش في الرجولة لا لون ولا متلون..

و المصري لسه بيسال مين الحاكم.. مين مسئول

يا مصري فوق لأوانك و زمانك..

ده الشعب و البلد و الدولة اتهانت و انت ولا عايش في وقت زمانك..

لو عايز تلحق مكان في قطر ماشي من زمانك...

اجري فط من نومك..

و اختفي من تاخيرة مكانك..

و إلحق تاشيرة الجديد في زمانك...

علشان خاطر بلد و اهلك و اولادك...

و متستناش المساعدة لا من حاكم او وزير لبلادك..

خليك انت حاكم و مالك بلادك...

خليك انت حاكم و مالك بلادك...

خليك انت حاكم و مالك بلادك...

:rosy:
تحياتي للجميع...

**بيسو افندى**

10-28-2008, 01:29 PM

نقلت لنا صورة واضحه

واستخدمت فيها رمزا متميزا

لا اجد ما اعلق به

دمت بنور الرحمن

بيسووو افندى

أ. محمد فواز

10-28-2008, 02:22 PM

نقلت لنا صورة واضحه

واستخدمت فيها رمزا متميزا

لا اجد ما اعلق به

دمت بنور الرحمن

بيسووو افندى

ياباشا شرفت و نورت..

و التوبيك زاد نور بنورك...

:rosy:
تحياتي ليك يا صديقي..

ملــــــــــك

10-30-2008, 01:01 PM

تسلم ايدك يا جنرال
كلام موزون و في المضمون
احيك على طرحك
منور يا فواز

أ. محمد فواز

10-30-2008, 02:28 PM

تسلم ايدك يا جنرال
كلام موزون و في المضمون
احيك على طرحك
منور يا فواز

منوراني يا ملوكه...

:rosy:
ميرسيه ليكي يا عثل...

مسجون ترانزيت

11-05-2008, 06:52 AM

فعلا لازم المصريين يفوقوا........

أ. محمد فواز

11-11-2008, 05:52 PM

فعلا لازم المصريين يفوقوا........

مظبوط كلامك...

و ياريت بقى يفوقكم...

:rosy:
شرفت و نورت..