مقارنة صغنونة بين الرسالة وقمر بني هاشم

[أمانة]

على ادي كدا عوزة اتكلم عن تناول السيرة النبوية وقصة حياة الرسول محمد عليه الصلاة والسلام خاتم الأنبياء والمرسلين
في الافلام والمسلسلات

ح اتكلم من خلال مشاهدتي لفيلم الرسالة
ومسلسل قمر بني هاشم

و الاتنين اخراج سوري

معروف ان فيلم الرسالة اخراج وانتاج الراحل مصطفى العقاد
مخرج جبار مبدع
هو نفسه مخرج فيلم عمر المختار

الحقيقة هو دا التراث السينمائي اللي المفروض يفخر به من يعمل بالسينما
مش كركر ومرمر
وحين ميسرة


المهم

المسلسل سوري بردو ومن اخراج مخرج سوري اعتقد اسمه محمد الشيخ نجيب

والاتنين مشكورين لاخراجهم عمل مهم زي دا

لكن لا يمكن التغافل عن عيوب المسلسل

[أمانة]

في مسلسل قمر بني هاشم

العيوب كانت واضحة جلية لاي طفل صغير

اول حاجة ظهور صوت لأبي بكر وعمر بن الخطاب وعثمان بن عفان رضي الله عنهم

كان أمر مستغرب ومش معهود ومثير للتساؤلات
مما لفت الانتباه عن المسلسل نفسه

ولا ادري الى الآن رأي الازهر الشريف عنه لكن كما علمت انه ممنوع من العرض على القنوات المصرية

ودا كما هو الحال مع فيلم الرسالة للعقاد فالازهر منعه ايضا
ما عرفش منعه ليه ؟

مرة يقولوا عشان ظهور سيدنا حمزة عم الرسول
ومرة عشان ظهور الناقة الخاصة بالرسول:huh:

ويمكن لاسباب سياسية
الله اعلم مش عارفة


دا عيب

عيب كمان في المسلسل خطير جدا في الاخراج


اهمال المخرج لمشاهد الكومبارس

وأداء الممثلين عامة

غير مقنع تماما

يتفاوت بين ناس بتمثل وتؤدي الدور كويس جدا
وبين ناس مش عارفة تمثل ولا تؤدي خالص

مما شوه شكل العمل تماما وجعله خالي من الجودة والاتقان

المجاميع في اي مشهد تؤدي مثلا تهليل او هتاف ، بيكون بأسلوب مستفز كان نداء آلي شغال
حتى النداء الآلي به روح وتعبير عنهم

من حركة ايديهم لتعبيرات صوتهم الرتيبة الخالية من الانفعال مجرد تهليل ببردو وبلادة

اهمال التفاصيل في اي عمل يفقده المصداقية والاتقان

وبالتالي فقد اهميته واصبح عمل اقرب الى الوثائقية


عيب آخر


استعان المخرج في المسلسل براوي في اجزاء من المشاهد يروي ويقص في بعض الفقرات للاستعاضة عن غياب صوت وصورة النبي صلى الله عليه وسلم

وهو راوي من خارج زمان ومكان الاحداث

ثم وإذا به فجأة يستعين بزيد بن حارثة في الاحداث ليروي عن الرسول صلى الله عليه وسلم
مع العلم ان الموضوع زاد عن حده
يعني أصبح كل حديث الرسول على لسان زيد

وكأن الرسول مخاصم الناس اللي بيكلمهم او قومه اللي حواليه
ماله كان الراوي طيب
ما كان سابه زي ماهو

دا عيب شايفاه انا مبوظ العمل خالص
لانه كمان دخل فجأة كدا في الاحداث


عيب تاني وتالت

المعارك في المسلسل

فظيعة
بشعة زي معارك مسلسل عمرو بن العاص لنور الشريف

معارك واضح جدا فيها التمثيل والبطء والاصطناع

مثلا


مشهد هند زوجة ابو سفيان في غزوة أ ُحد عندما تراجع كفار قريش في المعركة امام المسلمين في اول جزء وهي تحثهم على المواصلة وعدم التراجع

كأنها واقفة امام مرآتها تتزين
مفيش حماس ولا فعلا حثها على انهم لا يتراجعوا ولا يستسلموا
وكان الامر لا يعنيها

مشهد الحقيقة كان عاوز حرارة اكتر من كدا في أداء الممثلة
بصراحة كان مشهد بارد جدا

لكن مسحه بسرعة من أذهاننا مشهد هجوم جيش خالد بن الوليد من خلف الجبل وراء الرماة اللي خالفوا اوامر الرسول ونزلوا يلموا الغنائم لما ظنوا انهم انتصروا
فانقلب انتصارهم هزيمة بهذه الحركة وبمخالفتهم اوامر الرسول عليه الصلاة والسلام

كان مشهد قوي وغطى على ضعف الاداء في اول جزء من مشهد المعركة

[أمانة]

روابط فيلم الرســـالة

في 3 روابط
يفك الضغط بملف winRAR


فيـلم الرسـالة جزء أول (http://www.4shared.com/file/64733078/6a505492/alresala01.html)

فيـلم الرسـالة جزء ثان (http://www.4shared.com/file/64733147/d00070f7/alresala02.html)

فيـلم الرسـالة جزء ثالث (http://www.4shared.com/file/64733178/6b923ea5/alresala03.html)



اما مسلسل قمر بني هاشم يمكن أكيد الحصول عليه من موقع اليوتيوب

[أمانة]

في فيلم الرسالة استعان المخرج العبقري مصطفى العقاد براوي طول احاداث الفيلم

الحقيقة لا بديل عن وجود راوي غير مرئي

كان بصوت الفنان محمود يس

مشهور محمود يس بالرواية بلغة عربية فصيحة وواضحة ونبرات صوت معبرة تتواكب والحدث الذي يرويه

اتفرجت على الفيلم دا من وانا صغيرة جدا في اعدادي
لدرجة ان كان الجزء الاول دايما من الفيلم برواية محمود يس كنت اقتبسها في موضوعات التعبير والانشاء
صحيح ليس تعبيري ولا انشاءي
بس لان كان عاجبني جدا الكلام والفيلم رغم ما كنتش فاهمة حاجات كتير فيه

"في القرن السادس الميلادي والعالم يموج في الظلمات ولد محمد بن عبد الله....."

دايما الجزء دا كان اول موضوع التعبير بتاعي في المولد النبوي الشريف
وكانت بخد درجات عالية عليه:mosking:


بس الفيلم كان متقن لدرجة ان انا كطفلة اتأثرت بيه جدا وفهمت اللي اقدر عليه بمساعدة والدي ووالدتي
وحفظته عن ظهر قلب


اما مسلس قمر بني هاشم ما اعتقدش ان انا اقدر احفظه خالص


أما عن أداء الممثلين فلن أقول او اعيد او ازيد

يكفي اداء الفنانة السورية منى واصف في نفس الموقعة اللي اتكلمت عنها في المسلسل فوق
مش فاكرة حتى اسم الممثلة ايه في المسلسل

لان هي ما اثرتش فيا
لكن الى الآن اتذكر منى واصف وأداءها في دور هند بنت الوليد بن عتبة زوج ابو سفيان
وهي تهتف برجال قريش الفارين أمام المسلمين في أ ُحد : عودوا الى مواقعكم ، كل منكم في مكانه
بحرقة وغيظ

لانها كانت قبل اسلامها تكره المسلمين وكانت في تلك الموقعة موجودة لتتصيد حمزة رضي الله عنه عم الرسول
مسلطة عليه العبد وحشيّ ليقتله كما قتل في مبارزة شريفة نظيفة ابوها الوليد بن عتبة



كان أداء جبار


اما المعارك
فالفيلم خير معلق على نفسه

[ENG.GERGAR]

:rosy::rosy::rosy:

[أمانة]

:rosy::rosy::rosy:
شكرا جيرجار:rosy: