لعرس اسلامي متميز

[سندس]

<div align="center">هذه بعض الأفكار والمقترحات للعرس الإسلامي
ونحن نعلم أن الدين إذاخالط المناسبات أصبح فرحا وإن لم يكن أصبح ترحا

** يضايقك لبس المدعوات الغير محتشم ؟؟::
ارفقي مع بطاقة الدعوة عبارة (( الرجاء الالتزام بالزي الاسلامي المحتشم منعا للإحراج ، كذلك لا تنسي أن تكوني نموذج أنت وعائلتك للزي المحتشم وبإذن الله تقللين من اللبس الفاضح

** نظمي مع لجنة خيرية تستقبل فائض أطعمة الولائم لتوزيع باقي العشاء على المحتاجين

** لا تنسي رعاك الله استضافة داعية بشوشة لتلقي خاطرة بسيطة لا تتعدى ثلث ساعة حتى يتعطر الحفل بذكر الله

** حبذا لو اجتمعت الفتيات من العائلة لضرب الدف والإنشاد فهذا أفضل من الاستئجار أو الأشرطة(( او بأمكانك انت تستعيني بالاناشيد الدينيه ))

** إذا كان الحفل في بيتك - وهذا أفضل لك - وأنت متضايقة من زحمة الأطفال ، أنصحك بوضع تلفاز وفيديو في غرفة بعيدة عن الحفل وتضعين لهم فلم كرتون إسلامي جديد في التسجيلات حتى ينجذبون إليه وادعيهم إلى المشاهدة لكن انتبهي إياك أن تكون الدعوة إجباريا

** وزعي شريط خاص بالمرأة بتغليف أنيق غير متكلف مع شوكلاته وكرت أذكار الصباح والمساء، ولا تنسي إهداء العاملات أشرطة إسلامية بلغاتهم

** أخيرا لا تنسي التخطيط لحفلتك لتنظيمها فأنت ترين عرسا مجهز بأفخم التجهيزات لكنه فوضوي لماذا ؟؟؟ السبب غياب التنسيق والتخطيط
وأقصد بالتخطيط :::
أحضري قلما وورقة
حددي من يساعدك من أخوات وقريبات
حددي لكل واحدة الإشراف على شيء معين فمثلا::
شذا على العصير
مريم على توزيع الأشرطة .....الخ
ويكون لكل واحدة فريق عمل سواء عاملات أو قريبات
وهذا يساعدك عشان ما تتعبين ويدوخ راسك

هذي الافكار اللي عندي ،،، واللي عندها اقتراحات ثانيه لاتبخل علينا بها
^_^ ^_^ ^_^ </div>

[sshy]

بسم الله الرحمن الرحيم
فعلا افكار روعة جزاكي الله كل خير :wub: :wub: :wub:

[Noran]

جزاكي الله كل خير علي افكارك
كمان فيه فكرة شوفتها في الافراح الاسلامية
انك تعملي مسابقة بسيطة فيها اسئلة دينية تختلف في الصعوبة
و تكون ليها جوايز تشجيعية مثلا كتيبات صغيرة او مطويات
و دي بتبقي لذيذة قوي

[moslemaa]

بسم الله الرحمن الرحيم
بصراحه افكار جميله قوي
بس ياريت نقدر ننفذها حاسه انها صعب حد يتقبلها عندنا هنا في مصر خاصه اهلنا متعودوش علي كده

[أم العريف]

أفكار أكثر من رائعة :yeah:
:tu: :tu: :tu: :tu: :tu:

جزاك الله خيرا :D

ولو ان فعلا جزء منها ممكن يكون صعب تطبيقه هنا فى مصر

على فكرة أنا سمعت عن ناس وزعوا فى الفرح (اللى كان اسلامى طبعا ) بدل علب الملبس شنطة صغيرة قيمة بها مصحف وكتيبات صغيرة تحتوى على بعض الأذكار والأوراد والسور التى لها فضل . طبعا الفكرة دى عجبت الملتزمين جدا أما غير الملتزمين <_<

[engalshaimaa]

فعلا أفكار را ئعه..
بس صعب أوي أنها تتنفذ :(

[سندس]

<div align="center">مش ضروري الافكار دي تتنفذ حرفيا
انت تقدري تغيري منها شوي
^_^ ^_^ ^_^ </div>

[Bashmohandesa]

افكار فعلا ممتازه ... بس تنفيذها صغب قوي قوي في مصر
دا مجرد فصل ال رجال عن النساء مش كل الناس لتقبله
انا اعتقد ان نفس الا فكار ممكن تتنفذ بس في نطاق اضيق لغايه ما الناس تتعود عليها ذي حفله النجاح او حتي في قرايه فاتحه او خطوبه بس الفرح الناس دايما بتكون رسمه ليه صوره صعب شوية تغيرها
علي كل حال جزاكي الله كل خير و يا ريت نوصل لمجتمع اسلامي بجد يستسيغ افكار زي ديه

[Noran]

ازيكم يا جماعة و كل سنة و انتم طيبين
الافكار ممكن تبان انها صعب بس أنا مصرية
و شوفت بنفسي الأفكار دي بتتنفذ في مصر بس بين الملتزمين و المتدينين بدرجة معينة مش كل الناس طبعا و الافراح دي بتبقي جميلة جدا و فيها بركة و كل واحد عارف انه مش بيغضب ربنا و الحمد لله انا حضرت 6 افراح اسلامية
و طبعا باشوف الأفراح العادية لكن للاسف اللي بيحصل فيها من طريقة اللبس و الغناء و الرقص بتبقي حاجة صعبة جدا رغم انها بتبقي فخمة بس شوفوا العريس و العروسة بيخدوا ذنوب قد ايه بسببها
ربنا يغفرلنا ذنوبنا كلها

[ولاء3]

السلام عليكم اختي العزيزة سندس.....ماشاءالله على افكارك الرائعة لزواج اسلامي يرضى به الله...وانا وحده راح انفذ اللي قلتية لزواجي ان شاء الله عشان الله يرضى علي و يبارك لي في الزواجة دي ....و لا يهمني كلام الناس بأن الحفل بسيط او بدون اغاني ..الاهم هو رضى الله و رسولة(ص) و زوجي ........أنا من البحرين و عندنا زواج اسلامي بس مش كثير فزواج التعري اكثر.......
عسى الله ان يهدي الجميع......أشكرك على نصائحك و جزاك الله خير..... :h2:

[واسطة خير]

على فكرة يا سندس .........

أنا شايف الموضوع بتاعك ده من زمان وكنت عايز أرد عليه بس كنت متردد ..... :sniff: :sniff:

علشان كلامك ده حلو .............. الكلام طول عمره حلو . :(

بس تفتكرى سهل التطبيق ....؟؟؟

أنا معاكى أن فى ناس بتطبق كده بس دول كام فى المائة ........... 5% .... 10% . :(

بيتهيألى مش حايكتروا عن كده .............. :unsure:

بس عندى سؤال ليكى يا سندس ..... بس تجاوبى بصراحة ..... B)

انت فرحك كان عامل إزاى ...؟؟؟ ;) ;) ;)

[سندس]

<div align="center">انا هجاوبك
انا فرحي كان فيه كل حاجه مش كويسه
فرقه وصالة واغاني ورقص بس اهم شي (( ماكان فيه لبس عريان ))
.. يعني زي باقي الافراح
بس والله العظيم ان فرحي لو اتأجل خمس سنين بس
كنت عملته اسلامي
بس لما اتجوزت ماكنتش ملتزمه كفايه
كمان ماكانش فيه عندنا بيعملوا افراح اسلاميه
بس دلوئتي .. فيه
هم مش كتير انا عارفة يمكن زي ماقلت 5 او 10 %
بس لو كل واحد قال ان الناس ماتتقبل فكرة الفرح الاسلامي
يبقى مين اللي هيطبقها
وبس
^_^ ^_^ ^_^</div>

[hope 2 be right]

انتم عارفين الدنيا ديه عامله زي حكايه جحا لما ركب ابنه عالحمار الناس قالت ازاي الولد يركب والاب يمشي B) و لما ركب لوحده الناس قالت ازاي يركب و يسيب ابنه يمشي :unsure: و لما ركب هو و ابنه عالحمار قالوا فين الرحمه <_< ولما نزلوا عن الحمار هما الاتنين الناس قالت ايه الهبل ده :(
قصدي محدش بيعجبه حاجه فكده كده هنسمع تريقه فالواحد لازم يعمل اللي هوه مقتنع بيه............الحاجه اللي ترضي ربنا طب و نقول ايه للناس؟؟؟؟ :)
انا عني اقتراحات يعني انا مش عايزه واحده تلبس ملابس غير محتشمه فلما اجي اعزم الناس اقولهم ده فرح اسلامي يعني مفيش رقص و كلام من ده ويعني لو فيه واحده من الصديقات ممكن تلبس ملابس غير محتشمه تقوليلها بس بطريقه مرحه( انا مش هادخلك الفرح الا و انتي لابسه فستان بكم وكمان مجرجر وانتي بتضحكي و تقوليلها مش بهزر مش عايزين فضايح
و بعدين الواحد محدد مع القاعه من البدايه شكل و هيئه الفرح
افكارك و اقترحاتك يا سندس جميله ربنا يباركلك :wub: بس

فكره فيلم الكارتون مافتكرش انها هتنفع :blush:

[ابتسام هاشم]

تسلمى والله يا سندس افكار جميلة وان شاء الله ننفذها لولا دنا وبنا تنا

[MANAR]

السلام عليكم
أفكار رائعة
جزاك الله خيرا:rosy:

و يا جماعة مش حاجة صعبة إن كل واحد يبدأ بنفسه

و كونوا دعاة لخير :rosy:

[ابتسام هاشم]

انتم مصعبين الموضوع ليه كل واحدة تعمل اللى يعجبها وفى الا خر كله ها يتحاسب