KungFu Pands

[هريدي يابووووي]

فيلم رائع من Dream Works ..
فيه فكرة عميقة جدا.. محتاجين نناقشها.. بس بعد ما نتفرج على الفيلم :)

Nj4X3YmqufQ

يمكنك تحميل الفيلم من هنا (http://www.haridy.com/ciniclub/kungfupanda.avi)

[HOLLY]

طيب جميل بس انا عايزة اعرف ال 4 دقايق دول الفيلم كله ولا دي مقدمه عشان التحميل بطئ جدااااااا

[no0r]

شوفتوااا :gy0000:

شوفت انت لما جابوا البط وهو بيلعب كونغ فو ؟:twee:

[هريدي يابووووي]

أنا قلت أكيد برضه هايعجب نور بما انها غاوية صواني و كده يعني:واه يابوي

[عكننةهانم]

جاري التحميل http://www.haridy.com/cms/images/emots/happy.gif
أهو أنا بقالي يومين رايحة جيه عالقسم مستنية الجديد
خياراتك السابقة جامده بجد:Laie_60Am:
خصوصا الفلم القصير presto
عجب حماده موت :واه يابوي
هوا تلت سنين بس انما ذوقه جنان :ura1:
متشكرين يا فندم:)

[no0r]

أنا قلت أكيد برضه هايعجب نور بما انها غاوية صواني و كده يعني:واه يابوي

صوانى و بط :واه يابوي

الفيلم ممتع فعلا و فيه عدد من الافكار الجميلة

من ايمان الباندا بنفسه و اصراره على تحقيق حلمه فى وقت كل الظواهر فيه بتقول انه مش ممكن ابدا يكون محارب كونغ فو
للنمر اللى الحكيم اللى دربه كان مؤمن بيه جدا و النمر خيب امله و استغل موهبته فى طريق خطأ
للطاقات الخفيه و السحرية اللى فينا و اللى مبتظهرش الا فى اوقات معينه
مفيش سحر و لا تعاويذ فى ايمان و اراده و اصرار على انجاح ما نؤمن به ف بننجح

فيلم ممتع و الرسوم بتاعته خرافه و المعركة بين النمر و الباندا ولما النمر فر من السجن عجبنى موووت

و البط بقى مقولكش:twee:

[تنينة]

ايوا الله يكرمك زبط القسم دا افلام جرافيك:ura1:
الاقي بس برنامج داون لود واجي احمل
لولا خايفة اتقل يعني وعارفة انك مشغول كنت طلبت كام فيلم جرافيك نفسي فيهم:chr43:


هو فيه غلطه انا عملتها من عدم التركيز صراحه :chr58:وانا بفتح الميل اللي فيه تنبيه عن الموضوع دا من فرحتي دوست علي الرابط الوحيد الي في الميل من ما اقرأ اللي قبله
علي اساس انه هيدخلني علي الموضوع:dntknw: ..لقيته بيقولي تم خذف الميل من القائمة :huh:
ياريت لو فيه مواضيع كدا يتبعت لي علي الميل عشان انا مش بتمشي كتير في القهوة مؤخرا
وشكرا

[Bassoom]

جارى التحميل :flowers:

[zaytOoOna]

انا كمان غلطت .. و قالى تم حذف الميل من القائمه :sniff:
اعمل ايه بقى .....
الفيلم لسه بيحمل ... لما اشوفه هاجى تانى
متشكرين عالفيلم .... تمااااااااام

[zaytOoOna]

ممكن سؤال :think3:
هو الفيلم مش مترجم صح ؟

[هريدي يابووووي]

لأ.. الأفلام اللي بانزلها دايما مش مترجمة.. فرصة لتقوية اللغة الإنجليزية :)

[الأستـ elostaz ـاذ]

هو فيه غلطه انا عملتها من عدم التركيز صراحه :chr58:وانا بفتح الميل اللي فيه تنبيه عن الموضوع دا من فرحتي دوست علي الرابط الوحيد الي في الميل من ما اقرأ اللي قبله
علي اساس انه هيدخلني علي الموضوع:dntknw: ..لقيته بيقولي تم خذف الميل من القائمة :huh:



و انا كمان برضه نفس الحكاية .... مش عارف اعمل ايه ؟

[هريدي يابووووي]

ماتقلقوش يا جماعة بخصوص موضوع القائمة البريدية.. دي نسخة من القائمة مش القائمة ذاتها:)

[ahmed553]

احمل الفيلم ازاى

[مؤمن الراسي]

ده تقيل قوى يا عمو
بس بما انه حلو هحاول معاه
اصل مش بنلاقى افلام كويسه عالنت غير قليل جدا

[زنانه موووت]

هوا فعلا جميل جدا وفكرته جميله

والاجمل انه كرتون بس معبر جدا

ومواقف الباندا لذيذة بجد من بداية لما كان اصلا ياس من نفسه لغاية لما الثقه رجعتله تانى

وايمان المعلم بيه وتقبله انه يتعلم الكنغفو واصراره وفهمه للمضمون

اللى السلحفة كانت عايزة توصله

وانها ما اختارتش غلط ولا صدفه ولا حاجه زى ما الكل كان متوقع

بس فعلا القوة مش بالجسم وبس بالعقل كمان والايمان بالذات فيلم رائع

[WhiSpeR]

وااااو
أنا بحب الفيلم دة جداااااااااااااااااااااااااااا
وفعلا فكرته أكثر من رائعة
والمواقف اللي فيه وصلت الفكرة بطريقة لذيذة اوي
فعلا فيلم هادف ومضحك جدااااااااااا
:ura1::ura1::ura1:

[هريدي يابووووي]

رجاءا يا اخواننا..
ماحدش يشتكيلي من ان الملف كبير أو ان الداونلود بياخد وقت!!
أنا عملت اللي عليا و حطيتلكم الملف على السيرفر هنا.. و كل المطلوب منكم تحطوا اللينك في أي برنامج داونلود.. و تسيبوه شغال و تناموا.. تصحوا الصبح و هو خالص!!.. صعبة دي؟؟!!!:cry2:

المهم.. نرجع للفيلم و نبدا النقاش..

يبدأ الفيلم بحلم..
أو بـ"وهم"..
و فرق بين الوهم و الحلم..
الأحلام.. ممكن تتحول لحقيقة.. لأن أصحابها بيحاولوا يحققوها بنفسهم..
أما الأوهام.. فبتفضل أوهام.. لأن أصحابها بيكتفوا بلذة التوهم.. و انتظار خاتم سليمان أو عفريت المصباح السحري اللي يحققلهم الوهم ده.. من غير مايتعبوا نفسهم..
ياترى احنا من أي نوع؟.. النوع اللي بيكتفي بلذة العيش في أحلام أو أهام اليقظة؟.. والا النوع اللي عنده استعداد يدفع ثمن تحقيق أحلامه؟
مصداقا لقول الشاعر..
و ما نيل المطالب بالتمني.. و لكن تؤخذ الدنيا غلاسة!

[أمانة]

و ما نيل المطالب بالتمني.. و لكن تؤخذ الدنيا غلاسة!



البيت غلط يا ريس


التصحيح:

تؤخذ الدنيا غتاتة


مبروك القسم الجديد
طيب مش تقولوا


طيب نروح نفهم موضوع التحميل وبرامج الداون لوود ونتابع معاكم شرح فكرة الفيلم إن شاء الله آنفــاً

[Bassoom]

البيت غلط يا ريس


التصحيح:

تؤخذ الدنيا غتاتة


:brb::brb::brb::brb::brb::brb::brb:

لسه شايفه :yahoo:

لا جامد جامد صحيح :":


فى سؤال مهم جدا....


هما اللى فى الفيلم دول بط و لا وز :think3:

أصل رقبتهم طوييييييلة :surrender

[الأستـ elostaz ـاذ]

بدأت المناقشة ... جمييييييييل


الاخ هريدى يا بووى :

يبدأ الفيلم بحلم..
أو بـ"وهم"..
و فرق بين الوهم و الحلم..
الأحلام.. ممكن تتحول لحقيقة.. لأن أصحابها بيحاولوا يحققوها بنفسهم..
أما الأوهام.. فبتفضل أوهام.. لأن أصحابها بيكتفوا بلذة التوهم.. و انتظار خاتم سليمان أو عفريت المصباح السحري اللي يحققلهم الوهم ده.. من غير مايتعبوا نفسهم..
ياترى احنا من أي نوع؟.. النوع اللي بيكتفي بلذة العيش في أحلام أو أهام اليقظة؟.. والا النوع اللي عنده استعداد يدفع ثمن تحقيق أحلامه؟

صحيح !

بس الباندا فى الفيلم كان عايش الحلم
فى اليقظة و فى النوم
رغم استحالة التحقيق
( الفيلم بيبتدى بحلم تحفة معمول بكرتون على طريقة الكارتون الصينى القديم الاشبه بخيال الظل رسومات شبه ثابتة بتتحرك و الباندا فيها بيتخيل نفسه المحارب الاقوى فى الصين الذى لا يجد له اندادا يحاربوه حتى ينبهر به الغاضبون الخمسة و ينحنون له كمعلم كبير

فى اخر الفيلم ينحنون له بالفعل فى الواقع
لكن الطريق كان مختلفا بعض الشيء

نقطة تانية : ان هو معملش شيء يذكر ( زى النمرة و الثعبان و اللقلق و القرد و فرس النبى ) علشان يبقى محارب التنين

هو بس حاول يدخل مكان الفرجة ( زيه زى اى متفرج عادى )
و بالصدفة دخل بالكرسى المثبت به العاب نارية طار فى الجو و سقط فى وسط حلبة الاختيار فى ذات وقت اختيار المعلم اوجواى ( الزحلفة العجوز )

يعنى هل الباندا كان عايش فى الوهم و بالصدفة تحقق له الحلم ؟

اعتقد ان المغزى من الفيلم هو انك لو انك ترغب فى تحقيق هدف ما بشدة عليك ان تعيشه واقعا متحققا فى قلبك ( حتى و لو لم تعمل له )

لذلك الباندا وصل لانه كان ( عايش الحلم ) 24 ساعة ...
فى تصورى انه كان ينام كو نغفو يعيش كونغفو يأكل الشعرية كونغ فو ! يحلم بالكونغفو
يضع فى بيته تماثيل قدوته الخمسة و بوستر لهم ... الخ
كان عايش الحلم رغم واقعه المستحيل !

هو فى النهاية مجرد طباخ شعريةو ابن طباخ شعرية
كيف يصبح طباخ الشعرية محارب كون غفو ؟
هذا هو سحر جاذبية الفيلم الاساسى

انك انت - كالباندا - شخص عادى جدا بل اقل من العادى
و لكن حتما لديك حلم ما - كحلم الباندا البسيط بالكونغ فو
فهل هناك امل لتحقيق حلمك ؟
الفيلم يقول انه ممكن ان تتغير و يتحقق الحلم

اذا امنت بنفسك و بقدرتك على ذلك
و اذا امن بك من يعلمك و يرعاك

بالايمان ... بالحلم ... بالامل

[مؤمن الراسي]

الفيلم نزل من غير مشاكل الحمد لله
شكراً يا أستاذ هريدى
الفيلم جميل فعلاً ..:rosy::rosy:

[أبــو ســمــر]

هريدي يابووووي :rosy:
بما إننا حملنا الفيلم و شفناه .. خلينا بقى نتكلم عنه شوية :":

الفيلم رائع :ura1::ura1::ura1:
فعلا الباندا قدر يحقق الحلم .. مش إنه يكسب اللقب دوت أو إنه يكون هو فعلا مستحق له :to_pick_ones_nose2:

قدر من خلالها الباندا أن يتصدى للضبع الوحث :beee: .. اللي كان عايز يأخد لقب المقاتل التنيني بالعافية و طبعا لـ سواد قلبه لما يأخد اللقب دوت .. و لما إستلم الباندا اللفيفة :to_pick_ones_nose2: .. بص فيها لقى صورته بس :واه يابوي

عندها والده قاله كلام مفهمتش معناه قوي .. بس لما بص تاني في اللفيفة راح و رجع للماستر " تشيفو " :wub: .. و لم يكتفي الباندا بأن ينزح مع الأهالي و ينتهي حلمه بـ هذه السهولة .. بل راح و إتخانق مع الضبع و إستطاع إنه يغلبه :wink2: .. و ساعتها راح للمعلم " تشيفو " :wub: .. لاقاه تعبان و مضروب :vava: .. بس في الآخر طلع بيمثل عليه :to_pick_ones_nose2:



من أحلى اللقطات في الفيلم .. لما كان الباندا بيتدرب على يد الماستر " تشيفو " و خصوصا الحتة بتاعت الثوم :brb::brb::brb:

من الدروس المستفادة من الفيلم دوت .. إن مفيش حاجة مستحيلة أبدا :old:
كلنا عندنا أحلامنا و طموحتنا و نقدر نحققها حتى لو كانت الظروف معانا أو مش معانا :":
ما دام عندك إيمان جواك و الإيمان دوت نابع من نفسك إنك تكون حاجة مهمة يبقى هـ تقدر :yess:






SummeR :vishenka_34:

[عيش بالأمل]

شكرا يا فندم على الفيلم
:rosy:


وحلو أوى البيت ده بصراحة


و ما نيل المطالب بالتمني.. و لكن تؤخذ الدنيا غلاسة!


:brb::brb::brb::brb::brb:




أكتر حاجة عجبتنى فى الفيلم
فى الأخر خالص لما كان ماشى مع باباه ... وقاعد يكلمه على الشعرية
وقاله مفيش خلطة سرية
فقام فاتح الورقة اللى معاه .. وقال

No somthing special

الجملة دى هى موجز الفيلم

مفيش شئ مميز .. أنا اللى مميز
أنت لو شايف نفسك مميز .. وأصريت على كده .. واجتهدت واشتغلت على كده
هتبقى مميز وناجح .. وأكيد هتحقق هدفك
:yes2:

[فاطمة آرتس]

أنا شوفت اعلان الفيلم على القنوات ..

انا شايفه انه ظريف بس انا ليسه هحمله على جهازى

لما أفضيه من الكراكيب اللى فيه الأول ..

لى عودة:don-t_men

[اشرف_3]

الفيلم اكثر من رائع انا منزله من
فتره وفكرته جميله

[أمانة]

شفت الفيلم

الفيلم طبعا مبني على أسطورة
(( دراجون ووريور))
محارب التنين

التنين دا حيوان خرافي واسطورة عند الصينين
كمان كل ابطال الفيلم حيوانات

يعني الفيلم كله اساطير في اساطير

بس قدر المخرج يعبر عن الفكرة (( وانا اراها فكرة تقليدية)) بصورة الانيماشين بطريقة تجذب المشاهد

الفكرة تقليدية في ان ازاي انسان عادي جدا يقدر يتحول لتحقيق حلمه لبطل اسطوري عن طريق الصدفة
دي الفكرة التقليدية
انما الواقع

ان تحقيق الحلم او البطولة مش بالصدفة دا طبعا بالعمل بجهد جهيد للوصول

انما في الفيلم اعتمد على معرفة ايه اللي ممكن يثير حفيظة الباندا عشان يتحرك وما يكونش كسلان ومعروف ان الباندا حيوان كسلان

طبعا كان الحافز للباندا الاول في الفيلم هو الكوكييز او الاكل يعني

واكتشف دا الماستر بتاعه حيوان الراكون مستر شيفو

الفيلم ككل الحقيقة حافز كبير لأي انسان و يثير الحماس
والتقنية بتاعته جميلة جدا

والخلاصة
معنى الفيلم كله في اغنية الفيلم اللي بيغنيها المغني الكوري ريان


every body is kung fu fighting

بتعبر عن فكرة الفيلم الحقيقية بالظبط

كل واحد ينظر بداخله عشان يعرف ايه اللي ممكن يحققه حسب مقدرته وما يحفزه والهدف منه

الفهد شرير ( وصوته مخيف اوي)) وشرس وقوي اول ما بص في الـ scroll شاف حقيقته الخاوية الندلة الجبانة الناكرة للجميل ذهبت قوته
والباندا على العكس لما شاف حقيقته الطيبة ، المحبة للاصلاح! و "الكونج فو" (( اعتقد في الفيلم غفل هذه النقطة إنه يُظهر عدة مواقف تدل على طيبة الباندا وحبه للخير والاصلاح غير مجرد حبه للكونج فو مجردا من اي هدف))
كان المفروض كدا ،
المهم الباندا لما شاف حقيقته الطيبة (( لانه ما عملش حاجة شريرة )) اكتشف قوته
فانتصر بسهولة جدا على الفهد الشرير تاي لونج

شكرا على الفيلم

[أمانة]

عجبني كمان مشهد في الفيلم
يمكن عابر جدا وغير هام او غير مقصود بالمرة

لكن عجبني وفكرني بحديث للرسول عليه الصلاة والسلام

مشهد السلحفاة البيج ماستر
وهو في أخر وقته وعمره ، ومستر شيفو رايح يكلمه عن يأسه من الباندا ،
لأنه ساعتها قال ان وقته قد حان

المهم لآخر لحظة كان بيتدرب على الكونج فو واليوجا والحركات بتاعتهم دي
رغم انه شكله معمر جدا يعني بلغ من العمر أرذله

كان بيشتغل لآخر لحظة في عمره

الحديث اللي فكرني بيه

عن انس رضي الله عنه عن النبي صلى الله عليه وسلم
"إن قامت الساعة وفي يد أحدكم فسيلة ، فإن استطاع أن لا يقوم حتى يغرسها ، فليغرسها" أخرجه احمد والبخاري

[سيموز]

الله عليك يا أمانه وعلى ربطك الحديث الشريف بالامور المختلفه


الفيلم الحقيقه في نظري بيقول

يوضع سره في اضعف خلقه

بيقول المثابره تقهر المستحيل

بيقول القلب الابيض ينفع في اليوم الاسود

بيقول القوي في الأقوى منه

بيقول ربنا موجود ولكن لا تتواكل

بيقول كتير قوي بس للي عايز يشوف ويسمع

جزاك الله يا هريدي على الجواهر دي