جنب الحيطه

[magdyrashed]

جنب الحيطة



عشت وشفت كتير وقليل

وقابلت كتير ناس قناديل
قبل ماشفهم زارني الليل
قال يمكن تحتاج ل دليل
قالت عيني طريقناطويل
شوف لك غيره يكون لي دليل
غطيتها بسرعه بمنديل
وجعوا دماغي كتيرقناديل
قال إيه فكر
بص وقدر
حل ودبر
ياخي وجعوا دماغي بأساطير
ناوليني ياستي الجلابيه
وهاغطي دماغي بطاقيه
لحسن عقلي يشوف لي قضيه
والعكننه تتلم عليه
وف يوم والقناديل مطفيه
قال لي دليلي شوف لك حيطه
واوعى تروح لو تسمع زيطه
قلت يالِيلي عهد عليه
وفضلت امشي جنب الحيطه
واهرب لو يوم أسمع زيطه
وباكسر دايما قناديلي .. والباقيين يبلعهم ليلي
يوم وانا ماشي .. نادى عليه
جاري وقال لي .. حوش حراميه
قلت أنا مالي
سيبني ف حالي
أربي عيالي
يوم والتاني خطفوا جيراني
مابقاش ليَّ غيرالحيطه .. وبس دليلي
وباكسر دايما قناديلي .. والباقيين يبلعهم لِيلي
قلت ف عقلي
متهيألي
أنا وعيالي
حالي ومالي
أعيش متهني
جنب الحيطه
ولايوم تاني هاسمع زيطه
صرخوا عيالي .. خطفوا الحيطه
ودليلي متلف ف زيطه
كشفوا عينيه
مين جار ليه
فين قناديلي
خانِّي دليلي
خطفواعيالي
مالي وأرضي
راح فين عرضي
ياما قالتلي
كتير قناديلي

وباكسردايما قناديلي


تأليف / مجدي راشد
( سبق نشرها في موقع الأستاذ / عمرو خالد )

[ريشو]

جميلة جدا تسلم ايدك

[magdyrashed]

جميلة جدا تسلم ايدك



شكرا ياريشو على المرور والرد

السلبية آفة ياريت نتخلص منها

[jNmYMz]

انا الصراحه لما لقيت الردود قليله مكنتش متخيله انها هتبقى حاجه تحفه كده بالشكل ده
لا تعليق بجد غير انها حلوه جدا دى حدوته مقفيه
ممتااااااااااااااااااااااااااااااااااااااااااااااا اااازهههه بجد

[7ouda 7amza]

بصراحه كدا :huh:

ومن غير نفاق :don-t_men



جميله جدا جدا جدا
والله بجد ماشاء الله

رائـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــع


تحياتي:rosy::rosy::rosy:

[shiry]

جميله جدا جدا مشاء الله عليك
منتظرين منك المزيد :rosy::rosy::rosy:

[magdyrashed]

انا الصراحه لما لقيت الردود قليله مكنتش متخيله انها هتبقى حاجه تحفه كده بالشكل ده
لا تعليق بجد غير انها حلوه جدا دى حدوته مقفيه
ممتااااااااااااااااااااااااااااااااااااااااااااااا اااازهههه بجد



أشكرك على رأيك هذا وتشجيعك

ياما بنقابل ناس زي القناديل .. هم علامات مضيئه على طريقنا ولكننا لا ندرك قيمتهم إلا بعد فوات الأوان

لكن من رحمة ربنا إن الكلمة الطيبة كالشجرة الطيبة لها أصل ثابت وفرع في السماء تؤتي أُكُلها كل حين بإذن ربها

لذلك كن قنديلا على الطريق ولا تأسف على تأخر ظهور ضوؤك

[magdyrashed]

بصراحه كدا :huh:

ومن غير نفاق :don-t_men



جميله جدا جدا جدا
والله بجد ماشاء الله

رائـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــع


تحياتي:rosy::rosy::rosy:



أشكرك ياهدى على حسن تذوقك وتشجيعك

[magdyrashed]

جميله جدا جدا مشاء الله عليك
منتظرين منك المزيد :rosy::rosy::rosy:


بإذن الله هناك المزيد وشكرا على التشجيع

[LELE]

القصيدة جميلة جدا.....

وكمان بتعالج موضوع السلبية بطريقة جميلة,,,,

شكرااااااااا,,

[magdyrashed]

القصيدة جميلة جدا.....

وكمان بتعالج موضوع السلبية بطريقة جميلة,,,,

شكرااااااااا,,



شكرا ياليلي على التشجيع

[عروس الشرق]

أسلوبك سلس جدا ومعبر
اتمنالك مزيد من التألق ياقنديل الاحساس

متابعه معاك كل جديدك

[magdyrashed]

أسلوبك سلس جدا ومعبر
اتمنالك مزيد من التألق ياقنديل الاحساس

متابعه معاك كل جديدك


شكرا لك يا عروس الشرق على حسن تذوقك للكلمة والمعنى

[7ouda 7amza]

أشكرك ياهدى على حسن تذوقك وتشجيعك



:cry2::cry2::cry2::cry2::cry2::cry2::cry2::cry2:

بذمتك دا شكل هدي :sniff:

حودااااااااااااااااااااااااااااااااااااااااااااااا ااا

:cry2::cry2::cry2::cry2::cry2::cry2::cry2::cry2:

أسمي حودا حمزه

يعني محمود حمزة

واللي فوقي علي طول jNmYMz بنت مش ولد

[magdyrashed]

:cry2::cry2::cry2::cry2::cry2::cry2::cry2::cry2:

بذمتك دا شكل هدي :sniff:

حودااااااااااااااااااااااااااااااااااااااااااااااا ااا

:cry2::cry2::cry2::cry2::cry2::cry2::cry2::cry2:

أسمي حودا حمزه

يعني محمود حمزة

واللي فوقي علي طول jNmYMz بنت مش ولد





معلش ياحوده على جهلي بالأرقام التي تدل على حروف ولما سألت أولادي عرفوني غلطي :kap:


بس بصراحه في بعض الرموز المستخدمه غير واضحه بالنسبة لي لعدم خبرتي في عالم المنتديات ولكنها حرية شخصية يجب إحترامها :think3:

[7ouda 7amza]

معلش ياحوده على جهلي بالأرقام التي تدل على حروف ولما سألت أولادي عرفوني غلطي :kap:


بس بصراحه في بعض الرموز المستخدمه غير واضحه بالنسبة لي لعدم خبرتي في عالم المنتديات ولكنها حرية شخصية يجب إحترامها :think3:



يا عم مدقش

مش اول ولا اخر واحد


ومازلت معجب بالقصيده بتاعت حضرتك:rosy:

[magdyrashed]

يا عم مدقش

مش اول ولا اخر واحد


ومازلت معجب بالقصيده بتاعت حضرتك:rosy:




شكرا ياحوده وآسف للتأخر في الرد لظروف سفري

[**بيسو افندى**]

الفكرة جميلة وواقعية

ومفرداتها جميلة ونابعه من قلب العامية المصرية

التى نتحدث بها وهو اساس الشعر العامى

وان كانت الفكرة قد طغت على

الكلمات جعلتك تأتى بمرادفات موزونة بالقافية

فكسرت الوزن فى بعض الابيات

ولكن هذا لا يمنع انها ابيات جميلة وموسيقاها محترمة ومشدودة

وهذا رأيى وقد يتحمل الصواب أو الخطأ

واعتذر عن حديتى فى كلامى

فى تقدم ان شاء الله

دمت بود


بيسووو افندى
:friends:

[magdyrashed]

الفكرة جميلة وواقعية


ومفرداتها جميلة ونابعه من قلب العامية المصرية

التى نتحدث بها وهو اساس الشعر العامى

وان كانت الفكرة قد طغت على

الكلمات جعلتك تأتى بمرادفات موزونة بالقافية

فكسرت الوزن فى بعض الابيات

ولكن هذا لا يمنع انها ابيات جميلة وموسيقاها محترمة ومشدودة

وهذا رأيى وقد يتحمل الصواب أو الخطأ

واعتذر عن حديتى فى كلامى

فى تقدم ان شاء الله

دمت بود


بيسووو افندى

:friends:





أشكرك يابيسو أفندي على رأيك وتوجيهك

وعلى فكره أنا أكتب بالفطرة ولا أدّعي الحرفية في الشعر العامي ولكنه إحساس وإنفعال أخرجه في هذه الصورة التي أتمنى أن تكون مقبوله إلى حد ما ..

أشكرك مرة أخرى وكلامك ليس فيه أي حدة بل كله ذوق وتذوق وأحب أن أسمع رأيك في أبيات كتبتها وموجوده هنا في الصفحة الرابعة أو الخامسة بعنوان ( تربي قديم ) ...