ياناس روحوا قولولها*لأسامةوبس

[أسامةوبس]

ياناس رُوحوا قولولها

بِجَد عايز آكُلها

مستّنى مِن زَمان

لَحظه إيدى تِطُولها

حَبيت فيها إسمها

ورَسمة جِسمَها

أسعَد لحظه فى حياتى

إنى ألمس قلبَها

يانِسمه مِرطَبالى

حَرّ الصيف والليالى

حُبِك ساكِن فى قلبى

صورتِك دايما فى بالى

عارفِك أنا ياقَمره

مقطوعَه من شَجَره

ومهما قَسيت عَليكى

مِتحمِّله وصابره

لَكِن باموت فيكى

يا أُم الثياب خَضْره

أجمل هِديَّه إنتى

يا بطيخه معتبره

**********************************************

إهداء إلى من تمتلك قلبى كل صيف...


إلى ...البطيخه
:brb::brb::brb:
:rosy:

[**بيسو افندى**]

اسامه وبس
كاتب متميز تعبر عن فكرة جدبدة بالفاظ واقعية
داوم على الكتابة المستمرة فانت قنبلة شعرية ستنفجر لتنتشر شظاياها فى بحور الشعر

اخوووووووووووووك
بيسووو
:friends:

[TrOy]

ههههههههههههههههههه حلوة اوي بجد و انا عماله اقرأ بقول ايه ده بس في الاخر تطلع بطيخه

[alexbutterfly]

الكلام ده جميل جدااااا بعد كل ده طلعت بطيخه انا كنت مستنيه اعرف ايه اللي بتتكلم عنه:close_tem بس والله برافو عليك الى الامام دائما:yess:

[HOLLY]

ههههههههلا حلوة اوي وانا اقول تاكلها ازاي ؟؟!!! أتاريها بطيخه

تسلم يا أسامةوبس

دمت بنور الرحمن