الأدباتي
08-05-2008, 05:54 PM
هذه القصيدة إهداء مني إلى روح الفقيد وزعيم الأمة جمال عبد الناصر
أرجو الوقفة عند كل معنى فيها وقراءتها جيداً
ولقد فصلت بين بعض الجمل بسطور لتسهيل تحصيل المعنى
اصحى يا ناصر
فوق من نومك
جه دلوقت يا ناصر يومك
شفت الأمة؟
صبحت رمّه...
لما صابتها يا ناصر الغُمّه
شوف من بعدك
ضاعت خلفك أحلام وعدك
بالحريّه
ولا عاد فيها يا ناصر أي استقلاليه
شفت الظلم؟
والعبّـاره؟
والحرامية ف الطياره؟
رايحين لندن....
شفت رغيف العيش المتر وهو صغنن؟
شفت يا ناصر!!!
آه يابلدنا
يا داركولا وماصّه ف دم ولادنا
غصبٍ عنِّكْ
يا استعمار بيجوب أراضيكي وجايلك منِّكْ
فاض يابوخالد بينا الذل
داس من بعدك الحرامية روس الكل
آه لو تعرف...
إيه اللي حصل لبلاد النيل
كانت لما بييجي الليل
ويغطيها
يناموا ولادها بأمان فيها
شوف دلوقت
صارت فيها اللي مكفيها
ويمكن أكتر
صار حراميها بيمشي فيها وبيتمختر
وبيتكبر.....
ع الغلابه......
صارت جحر ولامم جواه أَلْف ديابه
آه يابوخالد
صبح الساده عبيد
وصبح العبد ف بلدك سايد
إيه يا زعيمنا
مش هاتقول لنا ع اللي كاسرنا واللي هازمنا؟
فيه ايه يا ناصر؟
مالك ساكت !!!
مُـتّ يا ناصر؟
والجدعنة والنخوى اهي ماتت
أنا يا زعيمي جداً آسف
أنا طولت عليك أهه باين؟
بص يا ريس
كده م الآخر
مهما يجيلنا ولو مليون
ولووعدونا بالإصلاح
حتى قزاز شبابيك الكون
برضه هاتفضل انت يا ناصر انت الريس
برضه هاتفضل انت يا ناصر انت الريس
أرجو الوقفة عند كل معنى فيها وقراءتها جيداً
ولقد فصلت بين بعض الجمل بسطور لتسهيل تحصيل المعنى
اصحى يا ناصر
فوق من نومك
جه دلوقت يا ناصر يومك
شفت الأمة؟
صبحت رمّه...
لما صابتها يا ناصر الغُمّه
شوف من بعدك
ضاعت خلفك أحلام وعدك
بالحريّه
ولا عاد فيها يا ناصر أي استقلاليه
شفت الظلم؟
والعبّـاره؟
والحرامية ف الطياره؟
رايحين لندن....
شفت رغيف العيش المتر وهو صغنن؟
شفت يا ناصر!!!
آه يابلدنا
يا داركولا وماصّه ف دم ولادنا
غصبٍ عنِّكْ
يا استعمار بيجوب أراضيكي وجايلك منِّكْ
فاض يابوخالد بينا الذل
داس من بعدك الحرامية روس الكل
آه لو تعرف...
إيه اللي حصل لبلاد النيل
كانت لما بييجي الليل
ويغطيها
يناموا ولادها بأمان فيها
شوف دلوقت
صارت فيها اللي مكفيها
ويمكن أكتر
صار حراميها بيمشي فيها وبيتمختر
وبيتكبر.....
ع الغلابه......
صارت جحر ولامم جواه أَلْف ديابه
آه يابوخالد
صبح الساده عبيد
وصبح العبد ف بلدك سايد
إيه يا زعيمنا
مش هاتقول لنا ع اللي كاسرنا واللي هازمنا؟
فيه ايه يا ناصر؟
مالك ساكت !!!
مُـتّ يا ناصر؟
والجدعنة والنخوى اهي ماتت
أنا يا زعيمي جداً آسف
أنا طولت عليك أهه باين؟
بص يا ريس
كده م الآخر
مهما يجيلنا ولو مليون
ولووعدونا بالإصلاح
حتى قزاز شبابيك الكون
برضه هاتفضل انت يا ناصر انت الريس
برضه هاتفضل انت يا ناصر انت الريس