محمد السيد صالح
08-01-2008, 01:49 AM
ياربى..بحبك
وكل النعم اللى انا خدتها..
بدون حيلة منّى
ولا جت لإنى من الصالحين
انا زى غيرى من الخلق..
والخلق زيى لكن فرحانين
بيتغيروا..
وينسوا اللى فات
وانا لمّا حنسى
حفكّر ف مين؟
أبويا ياربّى وراح لك بعمر
وانا-بعد منّه-حجيلك بعمر..
ومدرتش فيه إلا إن النهاية
ورايا ورايا
ومحتاجة صبر
أخويا ياربّى معايا برضاك
وصاحبى عليّا و معايا/معاك
وأمى ياربّى وهمّى اللى شالت أنينه
وعاشت..
مابينه وبينى سنين
وواحد..
مشفتش جراحه ولكن
جراحى بتغنى عن السامعين
انا مش يمين
انا فرع مايل
انا كلّى حايل/ مراية
وجوايا شعرى وجراحى/جدايل
وخرم الاوزون
مايعنيش نهايتى
وضيق العيون
كلام مش مزوّق
انا مش نهاية لشىء ثم شىء
سمايا ف سمايا
صعودى/نهاية
وانا
مش برىء..
وكل النعم اللى انا خدتها..
بدون حيلة منّى
ولا جت لإنى من الصالحين
انا زى غيرى من الخلق..
والخلق زيى لكن فرحانين
بيتغيروا..
وينسوا اللى فات
وانا لمّا حنسى
حفكّر ف مين؟
أبويا ياربّى وراح لك بعمر
وانا-بعد منّه-حجيلك بعمر..
ومدرتش فيه إلا إن النهاية
ورايا ورايا
ومحتاجة صبر
أخويا ياربّى معايا برضاك
وصاحبى عليّا و معايا/معاك
وأمى ياربّى وهمّى اللى شالت أنينه
وعاشت..
مابينه وبينى سنين
وواحد..
مشفتش جراحه ولكن
جراحى بتغنى عن السامعين
انا مش يمين
انا فرع مايل
انا كلّى حايل/ مراية
وجوايا شعرى وجراحى/جدايل
وخرم الاوزون
مايعنيش نهايتى
وضيق العيون
كلام مش مزوّق
انا مش نهاية لشىء ثم شىء
سمايا ف سمايا
صعودى/نهاية
وانا
مش برىء..