قصة عقوق*لأسامةوبس

[أسامةوبس]

كبير سن قعد جنبى وكله دموع

وكان باين على حاله إنه كان موجوع

بإيدى مسحت على كِتفه وذكرت الله

بدأ يحكيلى عن حاله بصوت مسموع

بِرعشة إيد مسك إيدى وقال يابنى

حياتى اللى قضيت عمرى فيها أبنى

ضاعت منى فى غمضة عين

ضياعها كان بسبب إبنى

صرفت عليه وربيته

بنيت له بيت وعليته

سعادتى بيه ماتتقدر

بكل جوارحى حبيته

وجوزته وبقالُه عيال

ومابخلتش عليه بالمال

وكل سعادتى يوم أشوفه

هناه زايد فى أسعد حال

فى يوم جانى وطلب توكيل

عشان حملى مايبقى تقيل

قوام نفذت طلباته

دا إبنى وبردو عنى يشيل

خدعنى أوام وخد مالى

وبيتى وكل شىء غالى

وآخرتها رمانى فى دار

وقال هنا يرعوا أحوالى

بكى قلبى وأنا سامعه

وسال دمعى مع دمعه

هَمَس لى بكلمتين قال لى

أنا عارِف سبب هَمى

دا مالى مالحرام جامعُه

عرفت أنا ليه إِسى إبنُه عليه

وليه بيرمِيه وقافِل سَمعُه
:rosy:

[ريشو]

ياااااااااااااااااااااااااااااااااه
كما تدين تدان
مؤثره فعلا وفيه فكر كبير في القول صعب على الاب لكن كده ربنا طهره من ماله ولسه دور ابنه في التطهير
ربنا يقينا العقوق يارب
روعة كما اعتادنا
بارك الله فيك

[أشرف سابق]

اسلوبك رائع يا استاذ / اسامه
فى انتظار المزيد من مساهماتك

[أسامةوبس]

ياااااااااااااااااااااااااااااااااه
كما تدين تدان
مؤثره فعلا وفيه فكر كبير في القول صعب على الاب لكن كده ربنا طهره من ماله ولسه دور ابنه في التطهير
ربنا يقينا العقوق يارب
روعة كما اعتادنا
بارك الله فيك
أهلا ريشو:rosy:
شكرا لمرورك

[أسامةوبس]

اسلوبك رائع يا استاذ / اسامه
فى انتظار المزيد من مساهماتك
أخى الحبيب....
أسعدنى مرورك:rosy:
وشكرا على التعليق الجميل