هدير مطر
07-30-2008, 12:57 AM
قلب..كسير..مشلول الروح
ساكن جوه نني عينيه..امان مدبوح
لما زاره..جَزّر صمته..وانحسر عنه مَدّ..البوح
صفع الزمن مركب عمره...
نَزّ الخشب صدأ وتباريح
لما الرفاقه وقعوا من دفتر حضورهم
ماتت نجوم حلفت يوم تدله لواحه الرحله
يوم ما وصل لاقاها طارحه تلّ جروح
وسط احزان صدمته..لقي اشواك جنته
زَهَّرت..صور ..نايم عليها برعم من عفن
افتكر يوم كان اصحاب الصور ..كتاب مفتوح
واديه لازال..بيصارع الامواج..واما رسي
سألوا القمر ليه انطفي؟
قال من كتر ما اتعلم ينوح
قالوا ايه من الرحله كنزك؟
قال..صندوق خشب..
مليان شبك معلول بصيده
والبوم دابت فيه ملامح الصور
قالوا ايه كانت غنايمك؟
قال مرايه..
سايح في صورتي فيها كٌحّلها
لما كدبهم رغم دقته.. صبح مفضوح
سألوه ايه في الرحله الجديده وجهتك؟
قال مفيش هدف
رٌبّان خايب..
ورا دفه سفينه من ورق..
مجاديفها دمع..
مسافر في ليل شرير
وسما حبلي ببروق غضوبه
هحاول اوصل.. لجزيره بعيده..
قالوا فيها واحد من المستحيلات التلاته
خِلّ وفي..يمكن يبقي توأم روح!!
هدير
28/7/2008
ساكن جوه نني عينيه..امان مدبوح
لما زاره..جَزّر صمته..وانحسر عنه مَدّ..البوح
صفع الزمن مركب عمره...
نَزّ الخشب صدأ وتباريح
لما الرفاقه وقعوا من دفتر حضورهم
ماتت نجوم حلفت يوم تدله لواحه الرحله
يوم ما وصل لاقاها طارحه تلّ جروح
وسط احزان صدمته..لقي اشواك جنته
زَهَّرت..صور ..نايم عليها برعم من عفن
افتكر يوم كان اصحاب الصور ..كتاب مفتوح
واديه لازال..بيصارع الامواج..واما رسي
سألوا القمر ليه انطفي؟
قال من كتر ما اتعلم ينوح
قالوا ايه من الرحله كنزك؟
قال..صندوق خشب..
مليان شبك معلول بصيده
والبوم دابت فيه ملامح الصور
قالوا ايه كانت غنايمك؟
قال مرايه..
سايح في صورتي فيها كٌحّلها
لما كدبهم رغم دقته.. صبح مفضوح
سألوه ايه في الرحله الجديده وجهتك؟
قال مفيش هدف
رٌبّان خايب..
ورا دفه سفينه من ورق..
مجاديفها دمع..
مسافر في ليل شرير
وسما حبلي ببروق غضوبه
هحاول اوصل.. لجزيره بعيده..
قالوا فيها واحد من المستحيلات التلاته
خِلّ وفي..يمكن يبقي توأم روح!!
هدير
28/7/2008