المصرى افندى
07-29-2008, 02:26 PM
كوتشينة وطاولة وشطرنج
من بعد ما فاق من أخر
أحلامه
إكتشف الشيب بيغطى
كيانه
وبإنه ( الشايب ) وسط
ولاد وبنات أفكاره
مع إنه لسه معدى التلاتين
إمبارح
لساه سارح
فى التلاتين الفايته
وف لحظة عمره الجايه
وف ( خانة اليك ) المزنوق
فيهــا
وف أحلامه اللى مخبيها
بين ( الدش ) المسخوط ( هبيك )
وبين ( قواشيط ) اللعبة السوده
من بعد ما فاق الشايب
إزداد الشيب
واتهز الحلم
من حتة طبية و وزير و عساكر
إتفاجئ .....أخر المشوار
م الاخر
بإنه ملك مهزوم
من بعد الــ كش
أيمن عثمان
من بعد ما فاق من أخر
أحلامه
إكتشف الشيب بيغطى
كيانه
وبإنه ( الشايب ) وسط
ولاد وبنات أفكاره
مع إنه لسه معدى التلاتين
إمبارح
لساه سارح
فى التلاتين الفايته
وف لحظة عمره الجايه
وف ( خانة اليك ) المزنوق
فيهــا
وف أحلامه اللى مخبيها
بين ( الدش ) المسخوط ( هبيك )
وبين ( قواشيط ) اللعبة السوده
من بعد ما فاق الشايب
إزداد الشيب
واتهز الحلم
من حتة طبية و وزير و عساكر
إتفاجئ .....أخر المشوار
م الاخر
بإنه ملك مهزوم
من بعد الــ كش
أيمن عثمان