عبدالله صبري
07-27-2008, 04:08 PM
إلي من علمتني كيف أكون أنااا ( إلي زوجتي )
ليه كل مره باكلمك
بتقولي مال صوتك حزين
وتقولي لو بتحبني ارمي السيجاره
وكسر الولاعه
مين اللي يسأل بس مين؟
وانتي اللي دمعك غرق السماعه
**********************
أيه أحزنك يا مضحكه وش الزمان القاصر
مش فاكره ليه بين القصايد كلها
غير كلمتين لجمال بخيت (إرجع بقي )
رغم اني عمري ما كنت(عبدالناصر)
************************
دايماً بحب الشعر موزون جداً
ايه اللي كسر الوزن في المرا دي
يمكن عشان مكسور و مخنوق جداً
ولا انتي شايفه بعدنا شيء عادي؟؟
***********************
طول عمري بـــ اتريق عليكي واقول
متعصبه عامله مقاطعه
مابتشربيش الكولا
وما تعرفيش يا حبيبتي إني
كنت اقول انك عظيمه
كنت اقولها لنفسي
ايه بس غير مبدئك
وبقيت باشوفك حتي جوا البيبسي؟؟
***********************
كنتي تلومي وتزعلي لما أقول
إني بحبك بس
وتقولي فين جداً؟؟
واقول خلاص جداً
تقول طاب خالص؟؟
اضحك و اقول خالص
تقولي قول بجنون
دلوقتي ما مصدقشي
عقلي ما مستوعبشي
إني بعيد جداً
وانك بعيد خالص
و باقول دا حلم طويل
ولا كابوس مجنون
***********
لساكي بتحبي الهدوء؟
وبيزعجك لما يعدي القطر؟
مش عارف اكتب حاجه من مدة
ليه واقفه بتبصي لي كده ع السطر؟
**************************
لا هاقولك انتي القمر
وان الضباب بيهل لما تبعدي
ولا اقولك ان انتي اللي حاطه الهمزه
علي تاج الألِف
بس اسمعي
أربع حروف أجمل جريمة في دنيتي
لو وصلوه للمشنقه
قلبي مصمم يعترف
إني ب ح ب ك بالقوي
يمكن تكون الصوره مش حلوه أوي
ما الناس في وصف العشق دايماً تختلف
عبدالله صبري
ليه كل مره باكلمك
بتقولي مال صوتك حزين
وتقولي لو بتحبني ارمي السيجاره
وكسر الولاعه
مين اللي يسأل بس مين؟
وانتي اللي دمعك غرق السماعه
**********************
أيه أحزنك يا مضحكه وش الزمان القاصر
مش فاكره ليه بين القصايد كلها
غير كلمتين لجمال بخيت (إرجع بقي )
رغم اني عمري ما كنت(عبدالناصر)
************************
دايماً بحب الشعر موزون جداً
ايه اللي كسر الوزن في المرا دي
يمكن عشان مكسور و مخنوق جداً
ولا انتي شايفه بعدنا شيء عادي؟؟
***********************
طول عمري بـــ اتريق عليكي واقول
متعصبه عامله مقاطعه
مابتشربيش الكولا
وما تعرفيش يا حبيبتي إني
كنت اقول انك عظيمه
كنت اقولها لنفسي
ايه بس غير مبدئك
وبقيت باشوفك حتي جوا البيبسي؟؟
***********************
كنتي تلومي وتزعلي لما أقول
إني بحبك بس
وتقولي فين جداً؟؟
واقول خلاص جداً
تقول طاب خالص؟؟
اضحك و اقول خالص
تقولي قول بجنون
دلوقتي ما مصدقشي
عقلي ما مستوعبشي
إني بعيد جداً
وانك بعيد خالص
و باقول دا حلم طويل
ولا كابوس مجنون
***********
لساكي بتحبي الهدوء؟
وبيزعجك لما يعدي القطر؟
مش عارف اكتب حاجه من مدة
ليه واقفه بتبصي لي كده ع السطر؟
**************************
لا هاقولك انتي القمر
وان الضباب بيهل لما تبعدي
ولا اقولك ان انتي اللي حاطه الهمزه
علي تاج الألِف
بس اسمعي
أربع حروف أجمل جريمة في دنيتي
لو وصلوه للمشنقه
قلبي مصمم يعترف
إني ب ح ب ك بالقوي
يمكن تكون الصوره مش حلوه أوي
ما الناس في وصف العشق دايماً تختلف
عبدالله صبري