فضيحة نجيب ساويرس

[nemo-ghost]

المدعو نجيب ساويرس أحد صنائع الفترة سيئة السمعة التي حكم فيها ********و التي شهدت صعودا غير مبرر لبعض رجال الأعمال و صل لدرجة التوحش لدي بعضهم كأحمد عز و نجيب ساويرس .

نجيب ساويرس يا سادة و خلال مؤتمر صحفي عقده يوم 6 نوفمبر (بحكم إنه حاجة مهمة و بيعمل مؤتمرات صحفية و بيتكلم و الناس تسمعه و تسأله و هو يجاوب ... كدة يعني !)

ما علينا هو حر .. و بعدين بفلوسه ..

بس مال أهله بقى و مال الحجاب ؟

المسكين بقى بيحس بالغربة ف مصر من كتر المحجبات اللي في الشارع و بقى متهيأله إنه في إيران !
و ما بقاش يسلم على المحجبات إلا من بعيد زي اليابانيين (هو و الله اللي قال كدة) !
للمسيحيين في الغرب رأيهم في الحجاب و هناك من يلتمس لهم بعض العذر بحكم إختلاف الثقافات و بحكم عدم درايتهم بأن الحجاب فريضة و ليست عادة نقلع عنها (زي ما بطّلنا وأد البنات مثلا)

إنما ساويرس بقى بسلامته إيه عذره ؟

يا نجيب يا ساويرس ماعلينا من تصريحاتك بشأن إطلاق كمان قناتين لمحاربة الأصولية و التطرف و بغض النظر عن قناة السفالة بتاعتك اللي بتذيع الأفلام الأجنبية بدون المرور على مقص الرقيب .. عندي سؤال :
بحكم إنك مسيحي و أكيد عند في بيتك و في مكتبك أيقونات للعذراء مريم .. هل صادفت أو تخيلت أيقونة تصور العذراء بدون غطاء للراس يداري الشعر ؟

في كل الكنائس حتى اللي بيسموها الكنائس الإصلاحية و اللي بيجوزا الرجالة لبعض و الستات لبعض هل توجد أي راهبة مكشوفة الراس دون غطاء يداري شعرها ؟ .. أنا حتى أسمع إنهم بيكونوا حالقين زيرو !

المفروض إن نجيب ساويرس راجل عاقل بل من المفروض إنه راجل فاهم جدا !
طيب إيه الخيابة اللي نزلت عليه دي و تخليه يتكلم في موضوع الدنيا كلها عارفة إنه موضوع شائك و حسّاس جدا عند المسلمين ؟

يالله .. آخرتها ساويرس كمان موش عاجبه !
دي بقت حاجة تقرف:أخخخ::أخخخ::أخخخ:


أنا مش حاقد يا جماعة ولا ساخر بس المسألة............. مسألة مبدأ:bud:

[أشرف سابق]

خلى اللى يقول يقول

القافلة تسير مهما قالو

[أسامةوبس]

أخى الكريم...
إذا كان الرجل قال ما قال فعلا....فقد أحسنت وربى الرد عليه
وأنا فى هذه الحاله لا أملك إلا أن أقول لكل من يكره شرع الله فى الحجاب سواء من المسلمين أو غيرهم....
( موتوا بغيظكم )

[Sabayon]

اولا الموضوع دة مخالف لعدم تواجده في قسمة الخاص ده موجود في اكتب عامي
ثانياً انا مصدقش حاجة عن سويرس كدة الصراحة الراجل محترم ولو كان قال كدة كانت الدنيا قامت عليه
ثالثاً ايه 6 نوفمبر دي سنة كام بالظبط مش احنا بردو في يوليو؟؟
رابعاً فين قنوات محاربة الاصولية دي!
خامساً او تي في لا تعرض ما هو مخل الي في نص اليل (يعني للغاوي و الشيطان مظبطة)
سادساً ايه مصدر الاشاعة دي!!
انا اعترض علي موضوعك ولا حول ولا قوة الا بالله

[nemo-ghost]

أولاً يا أخى/أختى أنا عضو جديد
ثانياً انت/ى حر/ة في اللى تصدقة وما تصدقهوش أما أنا ف ما بجبش كلام من عندى دا الكلام دا معبى المواقع والجرايد (دا لو انت/ى متابع/ة)
ثالثاً 6 نوفمبر 2007
رابعاً لو كان عندك ريسيفر قناتة otv
خامساً موعد عرض الفيلم بيبقى الساعة 11مساءً ويعاد تانى يوم الساعة 1:40م
وعرضت القناة فيلم(The American Pie)اللى بيحتوى على عدة مشاهد فاضحة يوم
الأربعاء 18-4-2007
سادساً مصدر الكلام الموثق دا جريدة الأسبوع وموقع إسلام أون لاين
www.islamonline.net/discussiona/message.jspa?messageID=65325&tstart=0 - 50k -