منديل ورق [الأرشيف]

ليل و أشواق

07-24-2008, 04:12 PM

منديل ورق

إحساس مُهين ...
إنك تكون ...
منديل ورق !
تمسح عرق .. من عــ الجبين
و تشيل تراب السكة
من عـ النضارات
فتشوف ترابها فيك .. علـَق
يرموك بعيد
و كإن عمر وجودك فى حياتهم
ما فرَق !
إحساس مهين ...
إنك تكون ..
فاكر وجودك فى حياتهم
شئ ثمين
و بعد ما تمر السنين ...
تلاقى عمرك راح
ما بين شمالهم و اليمين !
بطـَّل بقى ..
بطـَّل تصدق حد قالك
إنه شايلك فـ العيون
و إن حبك غالى ...
و عمره أبدا لم يهون
صدق و بس غنوة حليم
إن العيون تعرف تخون !
دلوقتى لا فيه حب فـ زماننا ..
و لا يحزنون
لأ أأأ ... فيه يحزنون !!!
*****
دَ كل حرف قاله من الحروف
دلوقتى بقى زى الكفوف
تضرب خدودى عشان افوق
و يا ريت بافوق !
دَ انا لسة قلبى
بينبض ليه بشوق
و كل ما اتذكر كلامه
أقولــّه : يااااااه !!!
دَ انا كنت ليك فى يوم كل الحياة
أنا كنت أهلك ..
كنت أمك .. كنت ابوك
و كنت جنبك لما كل الناس سابوك
لكن يا عيني
وآآآآه يا عيني من الزمان
علمنى إيه طعم الهوان
شوف لما تدى و تدى ...
و تبقى مش مستني شئ ؟
غير إنه يفضل جنبك ..
لكن يسيبك وحدك فى الطريق
و رجعت انا صفر اليدين !
و معايا حبة ذكريات و يــّا الحنين
و مليت انا بيهم بقى ..
خـُفـّى حـُنين !!!

جيهان بركات
31/12/2007

سهام الحب

07-25-2008, 05:07 PM

جميله أوى يا جيهان
بجد أحساس صعب ان الانسان يكون منديل ورق بيصاحب الانسان فى وقت شدته و فى وقته فرحه و فى النهاية يرميه بعيد
و كأن عمر ما كان بينهم ذكريات

أسامه علي ( محب )

07-26-2008, 11:09 AM

عندما قرأت إسمك في متصفحي ووقعت عيني
على عنوان قصيدتك فشدني العنوان فدخلت لأقرأ
عمل جيد والفكرة في إختيارك رمز القصيدة منديل ورق
هي في حد ذاتها إبداع لأن الفكرة وحسن إختيارها
هو المحدد لمسار القصيدة بعد ذلك فأنت فعلا موهوبة
وهذه منحه إلهيه والباقي هو الأسهل
العمل رائع بجد أحييكي عليه

somyaside

07-26-2008, 01:07 PM

عندك حق فى كل اللى قولتيه فعلا فى ناس مهما وقفت جنبهم لازم يبيعوا للاسف حصلت معايا من اعز انسان عندى

ماهر حامد

07-26-2008, 02:27 PM

جميله جدا يا جيهان
وحسك مرهف جدا
شدنى بعد الشيىء

لانى كما عبرتى

بطـَّل بقى ..
بطـَّل تصدق حد قالك
إنه شايلك فـ العيون
و إن حبك غالى ...
و عمره أبدا لم يهون

سيموز

07-26-2008, 02:53 PM

حلوه يا جهان

بس الجزء الاول اقوى كتير ومشحون قوى والتصوير فيه رائع

اعتقد انه كان يبقى لوحده كافى قوى لتوصيل الاحساس وبشده

رشا عبد الرازق

07-26-2008, 09:07 PM

حلوه خالص يا جيهان
حلوه فكرة المنديل الورق
وحلو خااااااااااالص بداية النص
وحلوه مشاعرك
بس فيه حاجات صغيره كده حسيتها كانت محتاجه منك شوية قسوة
أيوه قسوة
عشان تسيبي فوق سطر الحروف الشيقه
بس اللي لازم يفضل
فتكون القصيدة حالة مكتملة النضج والابداع
من غير أي ميل مهما كان صغير

سعدت بمنديلك
وبفكر معاكي
يا ترى كل حد حس انه منديل ورق
عمل كام منديل ورق غيره
واتفرفطو في السكة قدامه
كام ؟!!!

شكرا لكِ :) تحياتي وتقديري

ليل و أشواق

07-28-2008, 12:01 AM

جميله أوى يا جيهان
بجد أحساس صعب ان الانسان يكون منديل ورق بيصاحب الانسان فى وقت شدته و فى وقته فرحه و فى النهاية يرميه بعيد
و كأن عمر ما كان بينهم ذكريات

الأجمل انها عجبتك
واتمنى يا رب ما حد يحس انه منديل ورق أبدا

ليل و أشواق

07-28-2008, 12:03 AM

عندما قرأت إسمك في متصفحي ووقعت عيني

على عنوان قصيدتك فشدني العنوان فدخلت لأقرأ
عمل جيد والفكرة في إختيارك رمز القصيدة منديل ورق
هي في حد ذاتها إبداع لأن الفكرة وحسن إختيارها
هو المحدد لمسار القصيدة بعد ذلك فأنت فعلا موهوبة
وهذه منحه إلهيه والباقي هو الأسهل

العمل رائع بجد أحييكي عليه

أشكرك أسامة بس مش وبس أنا أشكرك بشدة على الكلام الجميل الكبير ده اللي بصراحة حاسة انه أكبر مني

ليل و أشواق

07-28-2008, 12:05 AM

عندك حق فى كل اللى قولتيه فعلا فى ناس مهما وقفت جنبهم لازم يبيعوا للاسف حصلت معايا من اعز انسان عندى

تعيشي ومتاخديش غيرها ان شاء الله

ليل و أشواق

07-28-2008, 12:07 AM

جميله جدا يا جيهان
وحسك مرهف جدا
شدنى بعد الشيىء

لانى كما عبرتى

بطـَّل بقى ..
بطـَّل تصدق حد قالك
إنه شايلك فـ العيون
و إن حبك غالى ...
و عمره أبدا لم يهون

طب اسمع الكلام وبطـــّل بقى
تيجي نبطل سوا ؟

ليل و أشواق

07-28-2008, 12:11 AM

حلوه يا جهان

بس الجزء الاول اقوى كتير ومشحون قوى والتصوير فيه رائع

اعتقد انه كان يبقى لوحده كافى قوى لتوصيل الاحساس وبشده

أنا بقى أحييك على إحساسك
لانها فعلا كان القصيدة كلها هي الجزء الاول
لكن بعد نشرها في أحد المنتديات دخلت عضوة وردت عليا بالشعر
فكتبت الرد ده تأكيد وتفصيل للحالة وبعد كدة أضافته ليها
لكن فعلا أنا مش قادرة انسى انهم قصيدتين مش قصيدة
شكرا سيموز ملحوظة ذكية وتدل على إحساس رائع
(بس اشمعنى يعني سيموز ليه مش سي برتقال مثلا ؟)

ليل و أشواق

07-28-2008, 12:15 AM

ماهر حامد

07-28-2008, 12:17 AM

طب اسمع الكلام وبطـــّل بقى
تيجي نبطل سوا ؟

كما قالت الشاعرة نازك الملائكه

اريد اريد ماذا اريد
اريد وعاطفتى لا تريد

رحمها الله

ليل و أشواق

07-28-2008, 12:37 AM

كما قالت الشاعرة نازك الملائكه

اريد اريد ماذا اريد
اريد وعاطفتى لا تريد

رحمها الله

هنعيش نصدق ونموت نصدق
أصل ما بالعقل حيلة
قلوبنا سايقة فـ دنيا رايقة
مش سامعة غير غنوة جميلة
لازم تفوق على صدمة جامدة
وتنكسر وتعيش عليلة !!!

ليل

waleeddido

08-17-2008, 06:57 PM

سامح رخا

08-19-2008, 01:54 AM

الشاعرة الجميلة
جيهان بركات

من أول بيت ف القصيدة
وضح التمكن و الشاعرية
و الإبداع
القصيدة جميلة جدا أختي الكريمة
و الصور راااائعة

ولكن الكمال لله وحده
وكل عمل مهما اجتهدنا
لا يخلوا من الأخطاء
و من الأشاء التي استوقفتني ف القصيدة :

و كإن عمر وجودك فى حياتهم
ما فرَق !

يا ريت تعيدي النظر ف الوزن ف الجزئية دي
و خدي بالك انتي ماشية رجز

إحساس مهين ...
إنك تكون ..
فاكر وجودك فى حياتهم
شئ ثمين

مش عارف
دخول كلمة " ثمين " ف قلب العامية أضعفت البنية من وجهة نظري
و أضعفت الصورة

و بشكل عام
لو القصيدة تم اختصارها و اختزال أجزاء منها
هاتكون عمل فني راااااائع

ليل و أشواق

08-19-2008, 09:22 PM

السلام عليكم ورحمة الله
الاخت الغاليه/ جيهان
مش جديد عليكى ابدا انى اقرأ ليكى اشعار بأفكار دايما جديده وغير مسبوقه
الى مزيد من النجاح والتفوق
ملحوظه: سلامى الى الاستاذ زياد
لو عرفتى انا مين ليكى هديه
مع السلامه
وليد رشوان ؟
يلا بقى قوللي أنا صح ولا لأ
أنا عايزة هدية
وطبعا مش هاوصل سلامك لزياد إلا لو عرفت انت مين

ليل و أشواق

08-19-2008, 09:27 PM

الشعرة الجميلة
جيهان بركات

من أول بيت ف القصيدة
وضح التمكن و الشاعرية
و الإبداع
القصيدة جميلة جدا أختي الكريمة
و الصور راااائعة

ولكن الكمال لله وحده
وكل عمل مهما اجتهدنا
لا يخلوا من الأخطاء
و من الأشاء التي استوقفتني ف القصيدة :

يا ريت تعيدي النظر ف الوزن ف الجزئية دي
و خدي بالك انتي ماشية رجز

مش عارف
دخول كلمة " ثمين " ف قلب الامية أضعفت البنة من وجهة نظري
و أضعفت الصورة

و بشكل عام
لو القصيدة تم تختصارها و اختزال أجزاء منها
هاتكون عمل فني راااااائع

عزيزي سامح
القصيدة دي كتبتها قبل ما ادرس عروض
ومحاولتش معاها أي محاولة لاصلاحها
كل اللي حصل اني أضفت لها جزء تاني كان رد على تعليق عليها في منتدى سابق
وشايفة انه فعلا أضعفها وطول فيها بدون لزوم
لكن بشكل عام أشكرك على النقد اللي يعلي ده أنا أحب النوع ده من النقد
نقد فعلا يدل على انك قريت القصيدة مش الله و يا سلام وجميل
شكرا سامح

عبدالله صبري

08-21-2008, 02:11 PM

نصك غايه في الروعة و الجمال و يدل علي انك شاعرة متمكنة من أدواتك الشعرية يا جيها و لكن لي ملاحظة و هي أن خاتمة القصيدة لم تكن بنفس مستوي قوة البداية

أقصد الجزء ده كل حرف قاله من الحروف
دلوقتى بقى زى الكفوف
تضرب خدودى عشان افوق
و يا ريت بافوق !
دَ انا لسة قلبى
بينبض ليه بشوق
و كل ما اتذكر كلامه
أقولــّه : يااااااه !!!
دَ انا كنت ليك فى يوم كل الحياة
أنا كنت أهلك ..
كنت أمك .. كنت ابوك
و كنت جنبك لما كل الناس سابوك
لكن يا عيني
وآآآآه يا عيني من الزمان
علمنى إيه طعم الهوان
شوف لما تدى و تدى ...
و تبقى مش مستني شئ ؟
غير إنه يفضل جنبك ..
لكن يسيبك وحدك فى الطريق
و رجعت انا صفر اليدين !
و معايا حبة ذكريات و يــّا الحنين
و مليت انا بيهم بقى ..
خـُفـّى حـُنين !!!

إلا ان النص به جمل شعرية قوية جداً مثل قولك :

دلوقتى لا فيه حب فـ زماننا ..
و لا يحزنون
لأ أأأ ... فيه يحزنون !!!

بجد تعبير رائع جداً و مؤثر في المتلقي بشكل كبير جداً ، خالص أمنياتي بالتوفيق و ف يانتظار جديدك

ليل و أشواق

08-21-2008, 08:52 PM

بجد تعبير رائع جداً و مؤثر في المتلقي بشكل كبير جداً ، خالص أمنياتي بالتوفيق و ف يانتظار جديدك[/quote]

فعلا يا عبد الله الظاهر اني أضعفت نصي بإضافة الجزء ده
لكن بالنسبة لجديدي فانا مش عارفة ابعت حاجة جديدة كل ما ارسل قصيدة عشان تتنشر توصلني رسالة انها غير مطابقة لشروط النشر
وبعتت رسالة خاصة لأستاذ سامح رخا وفيها نص القصيدتين وقاللي انه مش شايف سبب لعدم النشر
وبصراحة نفسي اتسدت ومش عايزة احاول تاني
ميرسي على رأيك القيـّم

ريعوالقهوجي

09-06-2008, 02:42 PM

أختي الفاضلة
جيهان بركات
رؤية متفردة
وأحساس بالكلمات والحروف
ليس من السهل أن يمتلكه أي كاتب
قدرة فائقة علي الرط بين الرمز والمراد
فكر متجدد
وابيات متحررة من التقيد والتكرار
فشكراً علي أبداعاتك
ونرجو ان تزيدينا من فيض اعمالك
فنحن في انتظار المزيد
دمت بكل خير
ريعو القهوجي

ظرف طارء

09-08-2008, 04:29 AM

احساس جميل وكلمات رائعه

بجد عمل فنى رائع

ربنا يوفقك يااخت جيهان

تقبلى مرورى

اخوكى ظرف طارئ:rosy::rosy::rosy::rosy::rosy::rosy:

sameh_415

09-08-2008, 09:59 AM

بصراحه احساس فعلا مهين جدا
ان الواحد بعد العطاء والحب ده كله
يكون ف الاخر عباره عن منديل ورق
مصيره صندوق الزباله او سله المهملات
او منداس تحت الاقدام
هى فعلا جميله جدا يا أخت/ ليل
وتسلم اديكى عليها
وتقبلى مرورى

s@meh_415 (s@meh_415)

شاعر الغلابة

09-09-2008, 03:02 AM

فعلا مثير للشفقه جدا ان اكون منديل ورق
بس الغريب في كام مليون منديل ورق عايشين
تصدقي كتير
احيانا الواحد يشوف قصايد يقول كلمه واحده بس
" يا ولاد الايه دا فكره جميله "
وقصيدتك فعلا فكره جميله ولو اني كان نفسي اركز ع المنديل اكتر ومش شرط في الحب بس يا ما مناديل اترمت في مصر فيهم اللي غرق في العبارة وفيهم اللي اندهس تحت الصخور
قصيده رائعه وفكرتها مميزه
مع حبي :rosy:

وفاء كحيل

09-09-2008, 03:14 AM

أختي العزيزة جيهان
عمل جدا رائع
لا حرمنا الله جمال حرفك وقوة إحساسك
وفقك الله

دكتور عادل عيد

09-09-2008, 04:42 AM

جميله جدا يا جيهان عاش قلمك أو بعنى ادق عاش (كيبوردك ) keyboard