تقدر تكون سفروت ؟

[ايوة جااااي]

سفروت انا سفروت
هاعيش واموت سفروت
باحب الدنيا ... موت
وبخاف م الدنيا .... موت
جوايا طفل ،، بيصرخ
مطلوب منه السكوت
وفراشة في الشرنقة
تحلم بورقة توت
ـــــــــــ
سفروت انا سفروت
اسمع شكاويكو ،، لازم
تسمعني يا سفروت
ساعات اسمع لوردة
وسط الجفاف بتموت
وسمكة رقيقة نونو
مسجونة ف بطن حوت
ويا ويل كل الفريسكا
من زمن الأخطبوط
ــــــــــــــــــ
سفروت انا سفروت
واتبحّ ،، فيّ الصوت
وأيوة جاي يا باشا
شاي بالحيب مظبوط
وعيوني يا ست هانم
والنوجّة والبسكوت
ودقيقة يا عمدة جايلك
اقتلك .... البرغوت
ـــــــــــــــــــ
الدنيا قهوة كبيرة
ومفيش كتير سفروت
وفيه بهوات كتيرة
ومفيش كتير سفروت
وفيه هوانم كتيرة
ومفيش كتير سفروت
وكتير كتير زعماء
ومفيش كتير سفروت
واغنياء وقادة
ومفيش كتير سفروت

سفروت دا مرماطون
ف النصبة دي مربوط

سفروت صعلوك وتافه
وقٍلّة ،، وصغنتوت

سفروت فقير وفقري
وشكله مش مبسوط

طب مين فينا اللي يحلم
يقدر يكون سفروت ؟

[عبدالله صبري]

حبيب قلبي سفروت وحشتنا جداً يا نجم ، و لو كل سفرووت عنده فلسفه حياتيه راقيه كده زيك ه احاول اتعلم قوانين السفرته في مدرسة سفاريتو الابتدائية يا نجم و بجد إنت رائع جداً جداً و مبدع و باستنظر قصايدك الاكثر من رائعه يا مبدع ، و ربنا ما يحرمنا من عذوبة قلمك الواعي جداً و اللي دايماً بيحمل ومضات لقلوبنا بتمر بسرعه و بنزعل انها تنتهي كده فياريت يا عم ابو السفاريت تيجي تتسفرت هنا كتير عشان بنحب سفرتتك اوي اوي و القهوة بيبقي ناقصها حاجه من غيرك يا فنان ، و دمت بكل ود و ألق أيها الشاعر الراقِ جداً جداً.

عبدالله صبري

[ليل و أشواق]

يا عزيزي انت شايف ان مفيش سفاريت ، وانا مختلفة معاك بالعكس السفاريت كتروا اوي مبقاش في ايدهم حيلة غير انهم يتسفرتوا ويتعفرتوا ويعملوا كل الحيل عشان يعرفوا يعيشوا .. ويا ريت عارفين يعيشوا !!!
بس يا ريتهم كلهم زيك كدة واعيين وبتسفرتوا بمزاجهم
تحياتي للسفروت الفيلسوف ... وأكثر الله من أمثالك

[المشتاقةللأقصى]

السلام عليكم ورحمة الله وبركاته

بجد انت فنان كلمات جميلة واحساس عالى بس الحياة مليانه سفاريت وكلهم بيحبه الدنيا وبيخافو منها بس لو كل سفروت حاسس بالى انت حاسة كانت تبقى احلى دنيت سفاريت ربنا يوفقك ومنتظرةالمزيد :rosy:
:rosy: :rosy:

[سامح رخا]

الله عليك
و على قصيدة الخفيفة الجميلة
بجد استمتعت بيها جدا
تسلم ايديك يا نجم
و صدقني
كلنا سفروت

[ايوة جااااي]

حبيب قلبي سفروت وحشتنا جداً يا نجم ، و لو كل سفرووت عنده فلسفه حياتيه راقيه كده زيك ه احاول اتعلم قوانين السفرته في مدرسة سفاريتو الابتدائية يا نجم و بجد إنت رائع جداً جداً و مبدع و باستنظر قصايدك الاكثر من رائعه يا مبدع ، و ربنا ما يحرمنا من عذوبة قلمك الواعي جداً و اللي دايماً بيحمل ومضات لقلوبنا بتمر بسرعه و بنزعل انها تنتهي كده فياريت يا عم ابو السفاريت تيجي تتسفرت هنا كتير عشان بنحب سفرتتك اوي اوي و القهوة بيبقي ناقصها حاجه من غيرك يا فنان ، و دمت بكل ود و ألق أيها الشاعر الراقِ جداً جداً.



عبدالله صبري



اخي الفنان الحبوب عبدالله صبري ،، والله ،، جملة واحدة من كلماتك الرقيقة تكفيني ،، ولكن هكذا الفنان الحقيقي ،، معطاء وكريم ،، ويفيض بالعسل الحلو ،، كالنحل في ربوع البساتين ... دمت لي وللفن ..

[ايوة جااااي]

يا عزيزي انت شايف ان مفيش سفاريت ، وانا مختلفة معاك بالعكس السفاريت كتروا اوي مبقاش في ايدهم حيلة غير انهم يتسفرتوا ويتعفرتوا ويعملوا كل الحيل عشان يعرفوا يعيشوا .. ويا ريت عارفين يعيشوا !!!
بس يا ريتهم كلهم زيك كدة واعيين وبتسفرتوا بمزاجهم
تحياتي للسفروت الفيلسوف ... وأكثر الله من أمثالك

اشكرك على المرور الراقي ،، وربنا يزيد من السفاريت ،، الصاحيين وليس السفاريت من الخارج فقط ،، دامت ارائك الجميلة

[ايوة جااااي]

السلام عليكم ورحمة الله وبركاته

بجد انت فنان كلمات جميلة واحساس عالى بس الحياة مليانه سفاريت وكلهم بيحبه الدنيا وبيخافو منها بس لو كل سفروت حاسس بالى انت حاسة كانت تبقى احلى دنيت سفاريت ربنا يوفقك ومنتظرةالمزيد :rosy:
:rosy: :rosy:

عزيزتي المشتاقة للاقصى ،، اشكر لك مرورك الجميل ،، انا نفسي ،، نفسي اكون سفروت ،، بحاول ،، تمنياتي بدوام التواصل ،،

[ايوة جااااي]

الله عليك
و على قصيدة الخفيفة الجميلة
بجد استمتعت بيها جدا
تسلم ايديك يا نجم
و صدقني
كلنا سفروت

صح ،، كلنا سفروت ،، بس نقاوم ،، ونظل الى الابد سفاريت ،، بريئة ،، ولكن واعية وايجابية ،، اشكر لك مرورك الجميل ،،

[نــــــــــور]

دة كل الشعب المصري سفروت اصلا:brb:

بس جميلة بجد:yes2:

تسلم ايديك:rosy:

[ايوة جااااي]

اختي البنوتة الشقية ،، فعلا الشعب كله سفروت ،، والدليل انتي ،، اراكي سفروتة شقية ،، دمتي يا سفروتة ،، وواضح ان كتير قوي قدروا يكونوا سفروت ،،

[فنان قووى]

يا أخى

انت رائع

ومتميز

[ايوة جااااي]

يا أخى

انت رائع

ومتميز

اخي فنان قووي ،، اشكرك على مرورك الفني الخفيف الراقي

[jain]

السلام عليكم
ماشاء الله جميله اوى:kap:
بس مش اى حد يبقى سفرووت...:twee:
انا لسه مبتدأه شعر:انجغة:
انتظرو قريبا جديدjain:":
تحياتى
اختك ف اللهjain:looking:

[ايوة جااااي]

السلام عليكم
ماشاء الله جميله اوى:kap:
بس مش اى حد يبقى سفرووت...:twee:
انا لسه مبتدأه شعر:انجغة:
انتظرو قريبا جديدjain:":
تحياتى
اختك ف اللهjain:looking:


اختي jain ،، فعلا مش اي حد يقدر يبقى سفروت ،، بس واضح انك عايزة تكوني ،، وهاتقدري ،، في انتظار شعرك ،، وأرجو الاقتحام وعدم الاحجام ،، مع تمنياتي بدوام التواصل والابداع ،،