ممكــــــــن أطَــبِّـــــــــــــــــــــلْ

[بياع الفل]

أنا ممكن أطَـبِّل
زى كتير م الناس
حلـــــوين.....!
والبس كل دقيقه قناع
وابقى لئيم وخبيث
خــدّاع.....
أعمل صبى مع أى بتاع
واركب فوق البنى أدمـــــين
ـــــــــــــــــــــــــــــــــــــــــــــ
ممكــــن أطَــــــبِّلْ.....!!
واهتف مع كل الهتّــــــيفــه
والبس بدله وجزمه نضيفه
ويحيا وعاش
ولا اســـــتّناش
وآخد كل حاجاتــى بلاش
وكله هايرسملى التشريفه
ما انا هابقى من طبقه شريفه
ـــــــــــــــــــــــــــــــــــــــــــــــــ
ممكن أطـــــــبِّل
وآخد حقى تالت ومتلّـــــتْ
فيــلا ف وسط متين فدان
وآخد جوه السوق دكان
وافضل أتاجر ف الغلبان
واخــــــبّى ف {عـــــــز } الزنقه السلعه
واخللى الأسعار دايما والعه
وان جا ف يوم الحق علـــــيّا
أعرف منه ازاى أتفـــــــلِّـــتْ
ــــــــــــــــــــــــــــــــــــــــــــــــــ ـــ
ممكن أطَـــبِّــل
واصبح نائب فيكى يا دايره
وآخد كل الإمتيازات
حتى القرض بدون ضمانات
واطلع كده فى التليفزيون
وانفخ كرشى
ويكبر قرشى
واخللى كل عقولكم حايره
فى أمورى يا ولاد الدايره
ــــــــــــــــــــــــــــــــــــــــــــ
لأ..........موش ممكــــــــــــن
أنا عبده وصميده وجوده
أنا كل القــــيّم الموجوده
أنا بانى هرمى بدراعى
أنا باقدر أعيش مع أوجاعى
أنا صابر وباربى ولادى
أنا بابنى بلدى وموش فاضى
مشغول بيها ومشغوله بيا
لو باغرق تاخد بإيـــــديّا
لو عطشان خُــضرتها المـــيّا
حضنها دا مليان حنيـــــّا
ـــــــــــــــــــــــــــــــــــــــــ
قالها أبويا ف أول عمرى
إوعاك يا بنى تكون يوم غيرك
إيـــــّاك تحرم بلدك خيرك
إبــــــنى.....لإبنـــــــك
علشان إبنــــك
يتعــــلِّـم يبنى وما يـــــهـدّ
خللــــــــــّى حياتك دايما جــــــدّ
واعلم إن المولــــــــى نصيرك
لـــــمّا تعيــش بتــراعى ضميــرك
ــــــــــــــــــــــــــــــــــــــــــــــــــ ــــــــ
أبو المجد البحيرى

[أسامه علي ( محب )]

فعلا بياع الفل
عجبني قوي العقد بتاعك قصدي كلامك الجميل
فكره ومضمون وكلام يعني كده حاجه تفرح
تحياتي ليك كما أمتعتنا

[اللحن الحزين]

فل الفل
ياما كتير لابسين قناعات
داروا وشوشهم ف الحكايات
لكن صدقك وياكلامك
جاب الحل
فل الفل
أحمد ابراهيم

[بياع الفل]

العزيز الغالى.....أسامه على
احنا ملتزمين بالعهد قصدى بالعقد مهما حصل
رضعنا المبادىء ولسه شايلين همها
كلامك هو الجميل وذوقك يدل على كريم أخلاق
شكرا لمشاركتك فى موضوعى
لك منى كل الود

[الأدباتي]

أستاذ ابو المجد

أمتعتنا بالطبل بتاعك

قصدي بكلامك الجميل جداً


قصيدة غاية في الروعة ومفرداتها سهلة وممتنعة ومعبرة


تقبل تحياتي


أخ وصديق و


أدباتي

[سامح رخا]

بياع الفل

كلامك ف الصميم
وبيمس وجع كل مصري

كلام من إنسان أثبت ف قصيدة واحدة
مدى شاعريته
وغيرته على وطنه
وكبريائه

أخي الغالي
سلمت شاعرا
ومصريا للنخاع

[ماهر حامد]

الاستاذ والشاعر

ابو المجد


لقد اصبت الاهداف وتمت العمليه بنجاح


لا املك الا ان اسجل اعجابى

ويقف قلمى دقيقه احترام لقلمك



تحيااتى

[بياع الفل]

أخى العزيز أحمد ابراهيم { اللحن الحزين}
لقد أضفت الجمال الى موضوعى بمداخلتك الشاعريه الرقيقه
شكرا لمشاركتك وتفاعلك الطيب
لك منى كل الحب والتقدير
دمت بخير