أسامه علي ( محب )
07-20-2008, 12:26 AM
يااااااااااااااااااه
كلمات: أسامة علي
يا ااااه
لما تجيني الفكره
ويخرج مني كلام
مَلْضُوم في أمال
وأشوفها ف أفكاري
بتخللي نهاري
مع بُكْرَه ال أنا بستناه
مليان بالبسمه
ويشيل م الجوف الآه
مع ميت أُمْنِيَّه وأمنيه
ولَمَّا أقراه
بتبان الضحكه ف نِنْ عِنَيَّه
وأسرح
لما الفكره ألاقيها
وأَسَبَّحْ
على سِبْحِة أمانيها
والشمس تنورلي السكه
ومصحباني
مش عايزه تْرَوَّحْ
وإن سافرت
ماتسبنيش في الليل وحداني
تبعتلي قمرها
ويجيني
هنا جنبي لحد مكاني
أجمل حاجه
لما يا صاحبي تصاحب هَمَّكْ
هيروق دَمَّكْ
أَمَّا إن كان فيه بينكو خصام
مش هَيّسِيبَكْ
ولا تعرف مِنُّو تنام
مش ناقصه يا عم
على إيه هتشيل الْهَمْ
أو تضايق
إضحك
تلقا الدنيا بتضحك ليك
ومزاجك يفضل رايق
جهزللي يا عم حميده طبق الفول
مع حبة طرشي الله يخليك
وعودين جرجير
معدتي محتاجه لِحَبِّة مسامير
وأوعا تفكر
إن الحظ معاندك
أو متعكر
وإحمد ربك
لو شفت بلاوي الغير
هتشوف نفسك
أفضل من خلق كتير
وتبوس إيدك وش وضَهْر
على طول
هيروح إحساس القهر
قوم يلاَّ أتوضا
من نهر توكالك ع الفتاح
وبمية طهر
قوم صللي الْضُهْر
و إدعي يارب تدوم
إدعي
هتلاقي الستر غطاك
ومعاك
اللي عيونو ما بتنام
واللي بيسمع دب النمله ف قلب الجحر
واللي بيرزق حتى الطير
والخير
عندو ملوش أول ولا آخر
والرزق عليه
ووعدنا ووعدو الحق
إننا أبدا مش هنجوع
طب تقلق ليه
دا الرزق كتير
بس أشكر
وعَلَيَّه النعمه
بالشكر تزيد النعمه
وإن ضاقت حَبَّة ف يوم
أصبر
ما تكونشي عجول
دا ال الإستعجال للنعمه
بيخللي النعمه تزول
وبلاش تشكي
ع الفاضي وع المليان
هتنام وتقوم تعبان
طب ليه بإيديك
بتجيب حبل المشنقه حواليك
مش برضو جنان
ما تبصش دايما تحتك
لمكان رجليك
وعشان خاطري الله يخليك
إوعا تسيب العقل الفالت
يتحكم فيك
وبقولهالك تاني وتالت
إضحك
خللي الضحكه تنور وشك
صدقني
اللي يقول غير كده بيغشك
وأتعلم م العصافير
إزاي بتطير
لو بطل حبه جناحها يهفهف
ما يشيلهاش الهوا ولا ثانيه
مين هيخالف لقانون الدنيا
واجمع قشك
وبإيدك تبني ف عشك
وإذا كان إمبارح
كان جارح
إنساه
ليه عايش على طول وياه
فيه اليوم
أشغل عقلك حَبَّه بفكره
تصنع بكره
وتمللي تبص لقدام
للإستماع للقصيدة
أضغط هنا (http://www.4shared.com/file/52071219/e75a7bc6/_online.html)
كلمات: أسامة علي
يا ااااه
لما تجيني الفكره
ويخرج مني كلام
مَلْضُوم في أمال
وأشوفها ف أفكاري
بتخللي نهاري
مع بُكْرَه ال أنا بستناه
مليان بالبسمه
ويشيل م الجوف الآه
مع ميت أُمْنِيَّه وأمنيه
ولَمَّا أقراه
بتبان الضحكه ف نِنْ عِنَيَّه
وأسرح
لما الفكره ألاقيها
وأَسَبَّحْ
على سِبْحِة أمانيها
والشمس تنورلي السكه
ومصحباني
مش عايزه تْرَوَّحْ
وإن سافرت
ماتسبنيش في الليل وحداني
تبعتلي قمرها
ويجيني
هنا جنبي لحد مكاني
أجمل حاجه
لما يا صاحبي تصاحب هَمَّكْ
هيروق دَمَّكْ
أَمَّا إن كان فيه بينكو خصام
مش هَيّسِيبَكْ
ولا تعرف مِنُّو تنام
مش ناقصه يا عم
على إيه هتشيل الْهَمْ
أو تضايق
إضحك
تلقا الدنيا بتضحك ليك
ومزاجك يفضل رايق
جهزللي يا عم حميده طبق الفول
مع حبة طرشي الله يخليك
وعودين جرجير
معدتي محتاجه لِحَبِّة مسامير
وأوعا تفكر
إن الحظ معاندك
أو متعكر
وإحمد ربك
لو شفت بلاوي الغير
هتشوف نفسك
أفضل من خلق كتير
وتبوس إيدك وش وضَهْر
على طول
هيروح إحساس القهر
قوم يلاَّ أتوضا
من نهر توكالك ع الفتاح
وبمية طهر
قوم صللي الْضُهْر
و إدعي يارب تدوم
إدعي
هتلاقي الستر غطاك
ومعاك
اللي عيونو ما بتنام
واللي بيسمع دب النمله ف قلب الجحر
واللي بيرزق حتى الطير
والخير
عندو ملوش أول ولا آخر
والرزق عليه
ووعدنا ووعدو الحق
إننا أبدا مش هنجوع
طب تقلق ليه
دا الرزق كتير
بس أشكر
وعَلَيَّه النعمه
بالشكر تزيد النعمه
وإن ضاقت حَبَّة ف يوم
أصبر
ما تكونشي عجول
دا ال الإستعجال للنعمه
بيخللي النعمه تزول
وبلاش تشكي
ع الفاضي وع المليان
هتنام وتقوم تعبان
طب ليه بإيديك
بتجيب حبل المشنقه حواليك
مش برضو جنان
ما تبصش دايما تحتك
لمكان رجليك
وعشان خاطري الله يخليك
إوعا تسيب العقل الفالت
يتحكم فيك
وبقولهالك تاني وتالت
إضحك
خللي الضحكه تنور وشك
صدقني
اللي يقول غير كده بيغشك
وأتعلم م العصافير
إزاي بتطير
لو بطل حبه جناحها يهفهف
ما يشيلهاش الهوا ولا ثانيه
مين هيخالف لقانون الدنيا
واجمع قشك
وبإيدك تبني ف عشك
وإذا كان إمبارح
كان جارح
إنساه
ليه عايش على طول وياه
فيه اليوم
أشغل عقلك حَبَّه بفكره
تصنع بكره
وتمللي تبص لقدام
للإستماع للقصيدة
أضغط هنا (http://www.4shared.com/file/52071219/e75a7bc6/_online.html)