الواد ياعيني طلع كاتم في قلبه و ساكت!
النهاردة بقى مافيش كلام في السياسة ولا الاقتصاد ولا علم الاجتماع.. 
زي ما حضرتكوا شايفين.. المنكشة هي مكاني المفضل للفضفضة..
و النهاردة جاي افضفض شوية ..
هو صحيح مابينيمناش الليل.. 
و صحيح لما بيشغل السرينة بتاعته بيدمرلنا أعصابنا 
.. بس ابتسامة منه بتنسينا كل ده!.. 
زياد.. الشهير بـ “يابووووي هريدي يابووووي”! 
عشرة شهرين و نص بس… بس الضنا غالي!
خلاص مسافر و مش هاشوفه تاني غير بعد 3 شهور!.
في مرحلة عمرية بيكبر فيها كل يوم.. يعني ممكن بعد 3 شهور يرجعلي بشنب!
بس نعمل ايه.. الله المستعان..
على أي حال.. هو حب يودعكم بنفسه.. بخطبة عصماء.. عبر فيها ببلاغة عن مشاعر دفينة كاتمها من زمان! 
و ننتقل معكم إلى بث حي مباشر من الجوجل فيديو.. 
