بداية.. ماباحبش أنكد على الناس… ولا حابب اكون The Grinch Who stole Christmas..
مش عيب ان الناس تفرح..
و ماحدش أبدا من حقه يزايد على مشاعر الناس و يقولهم ايه اللي المفروض يفرحهم و ايه لأ..
عشان كده باتضايق جدا سواء من بعض الدعاة و العلماء.. أو من بعض المثقفين اللي بيخاطبوا الناس في المواقف دي بأسلوب “جتكوا البلاوي مليتوا البلد! “..
عشان كده الكلمتين دول ليسوا أكتر من فضفضة… باشارك الناس في أفكاري.. جايز اقدر افهم في يوم من الأيام..

بدأت الحكاية زماااااان..
زماااااان قوي… في القرن الماضي كده يعني
و انا طفل صغير .. لفت انتباهي رياضة غريبة قوي بيمارسها الناس عموما..
أول مرة شد انتباهي الموضوع ده كان في يوم يظهر كان فيه ماتش مهم.. ووالدي عازم أصحابه في البيت يتفرجوا على الماتش معاه..
لحد هنا مافيش مشاكل.. انا صحيح مش فاهم هما بيتفرجوا على ايه بالظبط!.. بس قلت مش مشكلة.. مسألة أذواق!
و فجأة يا حضرات .. أفاجأ بصوت صريخ و زعيق في الصالون -(موقع متابعة المباراة المهمة)- فاتخضيت.. يظهر فيه مصيبة حصلت
و لكن طبعا مافيش مصيبة ولا حاجة.. مجرد أعراض طبيعية لأي جلسة متابعة لمباراة كرة قدم..
ووقتها مافهمتش أبدا ايه سر الحماس الرهيب ده اللي يخلي الواحد يخرج عن شعوره و هو بيتابع لعبة رياضية على شاشة التلفزيون
و دار الحوار ده بيني و بين والدي بعدها بكم يوم:

: بابا بابا بابا بابا بابا..
: أيوة يا حبيبي..
: هو انتو كنتو بتزعقوا ليه و انتو بتتفرجوا على الماتش؟
: عشان لأهلي جاب جون يا حبيبي..
: ايوة و فيها ايه يعني؟ هو ماجابش اجوان قبل كده؟
: لأ يا حبيبي عشان احنا كنا فرحانين..
: ايوة فرحانين ليه؟
: عشان احنا أهلاوية يا حبيبي.. بنشجع الأهلي..
: ليه يابابا؟
: عشان بيلعب كويس يا حبيبي..
: و الزمالك بيلعب وحش يابابا؟
: أيوة يا حبيبي مابيعرفوش يلعبوا..
: طب اللي بيشجعوا الزمالك بيشجعوهم ليه؟ ليه مش كل الناس يشجعا الأهلي عشان هو بيلعب كويس؟
: مش عارف يا حبيبي..

هنا الحوار وقف مؤقتا..
و انا عمال افكر.. و احال افهم.. ليه الزمالكاوية بيشجعوا الزمالك!!.. ايه اللي غاصبهم على كده؟؟
فالحاجة الوحيدة اللي قدرت أوصلها.. ان ربنا بيعاقب الزمالكاوية عشان ذنوبهم.. فبيخليهم مابيلعبوش كويس.. مصداقا لقول أحد الصالحين :

إني لأرى أثر المعصية في سلوك زوجتي ودابتي و الفريق الذي أشجعه

و هنا تفتق ذهني عن سؤال مهم جدا..

: بابا بابا بابا بابا..
: نعم يا حبيبي ايه تاني؟
: هو الزمالكاوية هايدخلوا النار؟
: ايه ده؟؟؟؟ بص يا حبيبي الديناصور اللي ماشي هناك ده؟

خلصت الحكاية هنا؟؟
أبدا!..
كما توقع والدي… إبنه عنده عاهة مستديمة.. و يبدو انها نادرة جدا.. ربنا ابتلاه بإبن “معوق كروياً”
حكمتك يارب

و تمر الأيام.. و تمر السنين.. و حوارات كتيرة زي الحوار ده بتتكرر معايا..

من كم شهر.. واقف في كوفي شوب لا بيا ولا عليا.. باحسب الكاشير..
و إذ يا حضرات بميكروفون ضخم انبثقت عنه الأرض و لقيته في وشي.. أبص.. الاقي مذيع مبتسم و حاشر الميكروفون في بقي و جنبه الكاميرا مان…
خير اللهم اجعله خير

: هلا فيك اخوي
: أهلا و سهلا

لحد هنا مافيش مشاكل..
المشكلة في اللي جاي..
تخيلوا من بين أسئلة الدنيا كلها.. أخينا ينقي و يختار و يسألني عن ايه؟؟ .. شطار..

: : أخوي.. وش تتوقع بتكون نتيجة مباراة الغد؟
: هو فيه مباراة بكرة؟
: إي.. نهائي بطولة كأس آسيا..
: و فيه كاس آسيا كمان؟
: إي.. غدا النهائي بين العراق و السعودية..وش تتوقع بتكون النتيجة؟
: الحقيقة مش متابع الكورة..
: أجل مايخالف.. وش بتتوقع النتيجة؟
: انت مصر يعني؟
: إي طبعا.. ايش توقعاتك للنتيجة؟
: .. توقعاتي ان في حالة فوز السعودية.. هاتمتلئ الشوارع بالمجانين بكرة و هايتوقف المرور.. عشان كده أنصح الناس يأجلوا مشاويرهم لبعد بكرة.. و في حالة فوز العراق.. هاتفضل برضه محتلة..

: تبا لك سائر اليوم   ..طراخ (صوت قفل عدسة الكاميرا)

و تمر الشهور.. و في نفس نفس المكان..
ماشي في أمان الله لا بيا ولا عليا..
و فجأة.. الاقي كل اللي يعدي من جنبي و ماهواش مصري.. يبصلي و يبتسم.. و يقول لي بانشكاح “مبروك”
غريبة. هو النهاردة كم في الشهر بالظبط؟

صو صو صو صو ترلم ترلم.. صوصو صوصو صوصو ترلم ترلم <------ صوت الموبايل

: السلام عليكم
: و عليكم السلام و رحمة الله.. مبروووووووووك ياباشا…
: الله يبارك فيك.. خير؟.. هو النهاردة عيد ميلادي والا حاجة؟
: مصر أخدت الكاس ياريس!..
: لا حول ولا قوة الا بالله.. مصر بتشرب خمرة يعني؟
: خمرة ايه؟؟؟ كاس أفريقيا يابني..
: يالهوي.. أفريقيا كلها بتشرب؟؟
: يابني ارحمني.. مصر أخدت كاس بطولة أفريقيا!
: يابني ركز.. أخدو الكاس والا البطولة؟؟
: أخدو كاس البطولة..
: ماشاء الله.. و ده غير الدوري؟
: تبا لك سائر اليوم!.. طراخخخ..
تيت تيت تيت تيت تيت تيت تيت تيت تيت تيت تيت تيت تيت تيت تيت تيت تيت تيت تيت تيت

ظاهرة هوس الكورة ..
من الظواهر الطبيعية الغريبة اللي بحاول دايما افهمها.. و باعجز بسبب الإعاقة الكروية اللي عندي (و ماحدش يتريق.. دي خلقة ربنا) ..
دايما باحاول أفهم.. و بتنتهي محاولاتي بالفشل الذريع!..
و سبب حيرتي و عجزي عن الفهم.. هو اني اتعودت اني ما اعملش حاجة إلا و انا عارف كويس باعملها ليه.. وواخدلها نية.. و محدد الهدف منها..
عشان كده مش قادر افهم.. على أي أساس الواحد بيختار انه يكون أهلاوي أو زملكاوي أو غزل محلاوي؟
هل هي وراثة؟ والا هو اختيار مبني على اقتناع ووضوح رؤية؟
و هل يجوز شرعا ان الأهلاوي يتزملك في يوم من الأيام أو ان الزمالكاوي يتأهول؟
كمان مش قادر افهم.. حتة سجود الشكر في المباريات ده!
الأصل ان الكرة رياضة.. ده بالنسبة للي بيلعبوا.. و ترفيه.. بالنسبة للي بيشجعوا..
لو قلنا رياضة.. فهل الفريق الفايز استفاد على المستوى الصحي من ممارسة الرياضة أكتر من الفريق الغير فائز؟
و لو قلنا ترفيه.. فما الفضل و المنة و النعمة الربانية في فوز فريق على آخر في “لعبة” الهدف منها الترفيه..
و هل يقابل سجود الشكر من الفريق الفائز بأن يتوب الفريق الخاسر إلى الله و يرجع عن خطاياه و يصلوا ركعتين بنية التوبة ؟
ماهو لو الفوز في المباراة نعمة.. يبقى الخسارة ابتلاء و غضب من الله
مش عارف ليه بدأت احس ان الموضوع مابقاش لا رياضة ولا ترفيه أبدا.. بل أصبح دين.. أصبح عقيدة..
و كثيرا ما يسرح بي الخيال .. لأتخيل الحوار الذي دار بين فريقي المعركة بعد غزوة أحد بهذا الشكل..

- أُعلُ شيكابالا..   الكأس لنا و لا كأس لكم
- مصابونا في الجنة و مصابوكم في النار!

لأ و كله كوم.. و موضوع الفراعنة ده كوم تاني
أنا سمعت كلمة “الفراعنة” دي اليومين اللي فاتوا يمكن أكتر مما سمعتها طول عمري! .. لما خلاص بقيت حاسس ان المنتخب المصري عبارة عن 11 مومياء

زي ماقلت.. الموضوع لا يعدو مجرد تساؤلات ناتجة عن عدم استيعاب حقيقي.. لا عن استنكار و استكبار على الآخرين..
فلا يحق لأحد محاكمة الآخرين بناءا على مشاعرهم.. فمن حق الناس أن يفرحوا.. و لا يحق لأحد أن يملي عليهم ما الذي يجب أن يفرحهم و ما الذي يجب أن يحزنهم..
و لكن الظاهرة في حد ذاتها مؤشر خطير في نظري.. عندما ننظر إلى الصورة الأكبر..
هذا المؤشر لا يكون علاجه أبدا بالنقد المستمر و نبرة التعالي على الناس و اعتبارهم غوغاء .. مغيبين.. تافهين..
بل بالاعتراف بحقهم في أن يفرحوا.. و مشاركتهم فرحتهم.. و تصحيح الأطر التي ينظرون منها إلى الأمور من خلال نفس المصدر الذي يمتعهم و يسعدهم..
و هذا ما بدأنا نراه في السنوات الأخيرة.. من نماذج للاعبي كرة القدم.. ليسوا مجرد نجوم.. بل نجوم أصحاب قضية.. أصحاب رسالة.. مثل أبو تريكة.. و نادر السيد.. و هادي خشبة.. و غيرهم..

التوقيع..
هريدي..
من ذوي الاحتياجات الخاصة الكروية..  

بداية أعتذر عن العنوان لو كان قاسي نوعا ما.. لكن ده شعوري الحقيقي صراحة!
الواحد ماكانش يتخيل أبدا انه يوصل الحال بينا في يوم من الأيام و الواحد يأمن على أولاده انهم يتفرجوا على فيلم أجنبي من انهم يتفرجوا على عمل سينيمائي مصري!.. (ده إذا افترضنا مجازا ان فيه حاجة اسمها “سينيما مصرية")..
سبحان الله.. تمر الأيام.. و تتلاحق المصائب.. و تأتي المصيبة فنستعظمها.. فإذا بالمصيبة تليها أعظم منها فنقول كانت السابقة أرحم!..
بداية.. أحمد الله الذي عافاني من أن أكون متابعا للكيان الخرافي الأسطوري المدعو مجازا بـ"السينيما المصرية” .. و الحمد لله الذي جعلني من الجاهلين بما يدور في ساحاتها..  
و لكن للأسف.. رائحة النفايات السينيمائية المصرية تشتد أحيانا فتزكم أنوفنا حتى و إن لم نكن في مصر. .
سمعت كثيرا من الجدل مؤخرا عن أحد الأفلام المعروضة في الساحة السينيمائية بمصر حاليا.. و هو فيلم “حين ميسرة”..
و ارتفع ضغطي و حاجباي و كل ملامح وجهي في دهشة.. و أناأتابع حوار “عمرو أديب” مع مخرج الفيلم في برنامج “القاهرة اليوم”..
لا أدري حتى متى تتاح حرية “القئ الفني” في الأماكن العامة..
الواحد من دول.. تنقح عليه قريحته الفنية.. فإذا به يفرغ محتويات جهازه الهضمي في وجوهنا! .. ثم يقول.. “هذه وجهة نظري”.. و “هذه حريتي كفنان”.. و المصيبة الكبرى.. أن يقول “أن هذا هو الواقع”..
أي واقع؟؟؟؟.. هل يعيش هؤلاء في عالمنا؟؟
من يدعون أنهم فقط يعبرون عن الواقع.. و يعرضون المشاكل الموجودة في مجتمعنا بالفعل.. و أننا نحن الجبناء.. و نحن المعقدون.. و نحن من ندفن رؤوسنا في الرمال كالنعام!
بالله عليكم.. هل تعيشون أنتم هذا الواقع و ترونه بأنفسكم؟؟
إذا كنت عوقبتم من الله بأن سود بصائركم.. فصرتم ترون الدنيا كلها سوداء.. فهل يعني هذا أن هذا هو الواقع؟
يقول مخرج الفيلم.. أن 15 مليون مصري يعيشون في العشوائيات.. ثم يبني على هذه الإحصائية بالإضافة الى بعض قصاصات من صفحات الحوادث في الجرائد.. يبني عليها أوهاما مريضة.. يصور فيه مجتمعا يمكننا أن نسميه دون تردد بمجتمع الـ “Anti-Utopia”.. مجتمع أسود تماما.. لا بصيص أمل أو خير فيه إطلاقا.. فيه كل مصائب الدنيا قاطبة مجتمعة في مكان واحد.. ولا بصيص أمل على الإطلاق..
حتى من يركعون و يسجدون لله في هذا المجتمع.. فهم إرهابيون مضللون..
فهل هذا هو الواقع؟؟
إذا كنتم تتحدثون عن الواقع.. فعلى الأقل أظهروه بمره.. و حلوه أيضا.. حتى تكون الصورة واقعية تماما..
صحيح مجتمعاتنا فيها الزنا و اللواط و السحاق و السرقة و كل موبقات الدنيا.. و لكن فيها أيضا صالحون و مصلحون.. بل هم الأغلب و الأعم في المجتمع.. فلماذا يتم إخفاء هذه النماذج تماما في أعمالكم؟ ألئنكم لا ترونها؟.. أم لأنكم لا تريدون أن ترونها حتى لا تصبح حجة عليكم أمام الله -إن كنتم تعتقدون حقا أنه موجود!-
أما من يتعمدون “إخفاء” أي بصيص للنور.. و “تضخيم” و “إبراز” “النقاط السوداء” في مجتمعاتنا.. فهم يتحدثون عن واقع فعلا.. و لكنه واقع لا وجود له إلا في عقولهم و نفوسهم المريضة..
فهم يرون المتدين إرهابي.. و المحجبة مجبرة على حجابها و لكنها في الخفاء تعصى الله كما تريد.
يا من تتحدثون عن واقعنا الأسود في عيونكم.. بالله عليكم…
قبل أن تتحفونا بإبداعكم القادم.. ياريت تعدوا على أقرب صيدلية.. هاتوا منها شريط بريمبران.. و شريط فلاجيل 500.. و خدوا قرصين من كل شريط.. جايز ربنا يحل عقدتكم.. عفوا.. قصدي جايز ربنا يحل عقدتنا!
و يامن تتحدثون عن الأعمال الموجهة “للكبار فقط”.. هل هذه الأعمال تسجل في سجل السيئات للصغار فقط.. أما الكبار.. فليس عليهم حرج؟
طب بلاش الحلال و الحرام.. هل ماهو"عيب" للصغار.. لا يصبح “عيبا” للكبار؟.. هل الأخلاق ملزمة فقط لغير الكبار؟؟!

معلش بس.. ملحوظة أخيرة.. أو نقدر نقول “مزحة”.. الأستاذ الفاضل عمرو أديب.. حضرتك لما قلت “أنا زرت عشوائيات بعدد شعر راسي!”.. هل حضرتك تقصد بده انك مازرتش عشوائيات خالص؟

بداية أعتذر عن العنوان لو كان قاسي نوعا ما.. لكن ده شعوري الحقيقي صراحة!
الواحد ماكانش يتخيل أبدا انه يوصل الحال بينا في يوم من الأيام و الواحد يأمن على أولاده انهم يتفرجوا على فيلم أجنبي من انهم يتفرجوا على عمل سينيمائي مصري!.. (ده إذا افترضنا مجازا ان فيه حاجة اسمها “سينيما مصرية")..
سبحان الله.. تمر الأيام.. و تتلاحق المصائب.. و تأتي المصيبة فنستعظمها.. فإذا بالمصيبة تليها أعظم منها فنقول كانت السابقة أرحم!..
بداية.. أحمد الله الذي عافاني من أن أكون متابعا للكيان الخرافي الأسطوري المدعو مجازا بـ"السينيما المصرية” .. و الحمد لله الذي جعلني من الجاهلين بما يدور في ساحاتها..  
و لكن للأسف.. رائحة النفايات السينيمائية المصرية تشتد أحيانا فتزكم أنوفنا حتى و إن لم نكن في مصر. .
سمعت كثيرا من الجدل مؤخرا عن أحد الأفلام المعروضة في الساحة السينيمائية بمصر حاليا.. و هو فيلم “حين ميسرة”..
و ارتفع ضغطي و حاجباي و كل ملامح وجهي في دهشة.. و أناأتابع حوار “عمرو أديب” مع مخرج الفيلم في برنامج “القاهرة اليوم”..
لا أدري حتى متى تتاح حرية “القئ الفني” في الأماكن العامة..
الواحد من دول.. تنقح عليه قريحته الفنية.. فإذا به يفرغ محتويات جهازه الهضمي في وجوهنا! .. ثم يقول.. “هذه وجهة نظري”.. و “هذه حريتي كفنان”.. و المصيبة الكبرى.. أن يقول “أن هذا هو الواقع”..
أي واقع؟؟؟؟.. هل يعيش هؤلاء في عالمنا؟؟
من يدعون أنهم فقط يعبرون عن الواقع.. و يعرضون المشاكل الموجودة في مجتمعنا بالفعل.. و أننا نحن الجبناء.. و نحن المعقدون.. و نحن من ندفن رؤوسنا في الرمال كالنعام!
بالله عليكم.. هل تعيشون أنتم هذا الواقع و ترونه بأنفسكم؟؟
إذا كنت عوقبتم من الله بأن سود بصائركم.. فصرتم ترون الدنيا كلها سوداء.. فهل يعني هذا أن هذا هو الواقع؟
يقول مخرج الفيلم.. أن 15 مليون مصري يعيشون في العشوائيات.. ثم يبني على هذه الإحصائية بالإضافة الى بعض قصاصات من صفحات الحوادث في الجرائد.. يبني عليها أوهاما مريضة.. يصور فيه مجتمعا يمكننا أن نسميه دون تردد بمجتمع الـ “Anti-Utopia”.. مجتمع أسود تماما.. لا بصيص أمل أو خير فيه إطلاقا.. فيه كل مصائب الدنيا قاطبة مجتمعة في مكان واحد.. ولا بصيص أمل على الإطلاق..
حتى من يركعون و يسجدون لله في هذا المجتمع.. فهم إرهابيون مضللون..
فهل هذا هو الواقع؟؟
إذا كنتم تتحدثون عن الواقع.. فعلى الأقل أظهروه بمره.. و حلوه أيضا.. حتى تكون الصورة واقعية تماما..
صحيح مجتمعاتنا فيها الزنا و اللواط و السحاق و السرقة و كل موبقات الدنيا.. و لكن فيها أيضا صالحون و مصلحون.. بل هم الأغلب و الأعم في المجتمع.. فلماذا يتم إخفاء هذه النماذج تماما في أعمالكم؟ ألئنكم لا ترونها؟.. أم لأنكم لا تريدون أن ترونها حتى لا تصبح حجة عليكم أمام الله -إن كنتم تعتقدون حقا أنه موجود!-
أما من يتعمدون “إخفاء” أي بصيص للنور.. و “تضخيم” و “إبراز” “النقاط السوداء” في مجتمعاتنا.. فهم يتحدثون عن واقع فعلا.. و لكنه واقع لا وجود له إلا في عقولهم و نفوسهم المريضة..
فهم يرون المتدين إرهابي.. و المحجبة مجبرة على حجابها و لكنها في الخفاء تعصى الله كما تريد.
يا من تتحدثون عن واقعنا الأسود في عيونكم.. بالله عليكم…
قبل أن تتحفونا بإبداعكم القادم.. ياريت تعدوا على أقرب صيدلية.. هاتوا منها شريط بريمبران.. و شريط فلاجيل 500.. و خدوا قرصين من كل شريط.. جايز ربنا يحل عقدتكم.. عفوا.. قصدي جايز ربنا يحل عقدتنا!
و يامن تتحدثون عن الأعمال الموجهة “للكبار فقط”.. هل هذه الأعمال تسجل في سجل السيئات للصغار فقط.. أما الكبار.. فليس عليهم حرج؟
طب بلاش الحلال و الحرام.. هل ماهو"عيب" للصغار.. لا يصبح “عيبا” للكبار؟.. هل الأخلاق ملزمة فقط لغير الكبار؟؟!

“إن الإنسان لم يُعطَ القدرة على إماتة الخواطر، ولا القوة على قطعها، فإنها تهجُم عليه هجومَ النَّفس، إلا أنّ قوةَ الإيمان، والعقل، تعينُ على قبول أحسنها، ودفع أقبحها. وقد خلق الله سبحانه وتعالى النفسَ الإنسانية شبيهة بالرحى الدائرةٍ التي لا تسكن، ولا تتوقّف عن الدوران، ولا بدّ لها من شيءٍ تطحنه، فإن وضع فيها حَبّ طَحَنتهُ، وإن وضع فيها تراب طحنته.
والأفكار والخواطر التي تجول في النفس، هي بمنزلة الحَبِّ الذي يوضع في الرحى، فمن الناس من تطحن رحاه حبّاً يُخرج دقيقاً ينفع به نفسه وغيره، وأكثرهم يطحن رملاً وتبناً وما إلى ذلك، فإذا جاء وقتُ العَجن والخَبز تبيَّن له حقيقةُ طحينه.”

ويقول رحمه الله أيضا :

“دافع الخواطر الضارة التي تهجم على عقلك، فإن لم تفعل تحوّلت الخواطر إلى أفكار، ثم تتحول الأفكار إلى شهوات، والشهواتُ إلى همم وعزائم، فإن لم تُدفع صارت فِعلاً، فإن لم تتداركه بضدِّه صار عادةً يصعب الانتقال عنها ..”

و ننتقل معكم إلى بث حي مباشر من الجوجل فيديو..

Click To Play

الاسكندرية - أكد الرئيس حسنى مبارك أن مصر قطعت شوطا طويلا على طريق الاصلاح السياسى والاقتصادى والاجتماعى ... .

كعادة التصريحات السياسية.. بنلاقي كلام كبير .. بس مليان هوا..
مصر فعلا قطعت شوط كبير على طريق الإصلاح السياسي و الاقتصادي والاجتماعي.. بس يظهر ان الشوط بالسالب.. يا إما اللي ماشي ماشي بضهره!..
لو هانتكلم عن “الإصلاح” بالمفهوم اللي نعرفه.. لكن محتاجين ناخد بالنا من نقطة تانية مهمة..
ياترى.. الإصلاح لمصلحة مين بالظبط؟؟
هل مسيرة افصلاح الاجتماعي و السياسي و الاقتصادي دي… الهدف منها إصلاح الوضع الراهن ليصبح أكثر ملاءمة لظروف الشعب؟.. أم ليصبح أكثر ملاءمة لظروف الحكومة؟؟.. ماهو ده إصلاح. و ده إصلاح برضه!   .. يعني بتصلحوا البلد عشان تعرفوا تعيشوا فيها ؟.. والا عشان الشعب يعرف يعيش فيها؟
أما بقى

وقال اننا سنظل ملتزمين بمسيرة الاصلاح دون رجعة الى الوراء

فـالنقطة دي معاه حق فعلا فيها.. لأن ماعادش فيه ورا أكتر من كده أساسا!! فيه حيطة!!!

أما بقى ..

وتسائل:"هل لاحد أن ينكر أو يتجاهل ما حققناه من اصلاح دستورى وتشريعى خلال العامين الماضيين ؟ كيف لمنصف أن يقارن المساحات غير المسبوقة للحريات بما كانت عليه حتى سبعينيات القرن الماضى ؟ ماذا عن حرية الرأى والتعبير والصحافة ؟ كيف كانت انذاك . وكيف هى اليوم ؟ كيف كان حال اقتصادنا واستثماراتنا وبنيتنا الاساسية وكيف حالها اليوم “؟

فاللي مايشوفش م الغربال.. يبقى اعمى!!

من كم يوم.. دار حوار بيني و بين زميل بريطاني معي في العمل.. فرح قوي لما عرف اني مصري.. و قعد يحكيلي عن ذكرياته في مصر لما كان عايش فيها مع والده و هو صغير.. و في وسط الحوار.. ضحك.. وسألني : “ هو الريس ناوي يقعد عندكم في الحكم لغاية امتى؟”!
قلتله : “ياااه.. احنا بطلنا نسأل السؤال ده من زمان.. احنا تخطينا المرحلة دي خلاص.. و بدأنا نتساءل.. هو عيلة الريس هاتقعد في الحكم لغاية امتى؟”!

كمان.. بالله عليكم.. استخدموا الفاير فوكس